Söngkonan Laufey Lín Bing Jónsdóttir og kærasti hennar, Charlie Christie, starfsmaður útgáfufyrirtækisins Interscope Records, fögnuðu eins árs sambandsafmæli sínu í gær, mánudaginn 6. janúar.

Í tilefni þess birtu þau krúttlegar paramyndir í story á Instagram-síðum sínum.

„Eitt ár,“ skrifaði söngkonan við mynd sem sýnir parið í göngutúr í snjónum. Christie deildi mynd af parinu í faðmlögum fyrir framan foss og setti hjartatákn á myndina.

Laufey opinberaði samband sitt og Christie síðastliðið sumar þegar hún óskaði honum til hamingju með afmælið.