Bjarni Björg­vin Árna­son tel­ur sig vera nokkuð róm­an­tísk­an. Hann ætl­ar að dekra við sína heitt­elskuðu, Car­inu Den­isu Blaga, á konu­dag­inn sem er á sunnu­dag.

Blaðamaður Smart­lands for­vitnaðist um ást­ina og konu­dags­plön Bjarna Björg­vins.

Kynnt­ust í fram­halds­skóla

Bjarni Björg­vin er 24 ára gam­all raf­virkja­nemi og starfar einnig hjá fyr­ir­tæk­inu Kambstál. Hann kynnt­ist kær­ust­unni sinni þegar þau voru bæði nem­end­ur í Fjöl­brauta­skól­an­um í Garðabæ. 

Parið fagn­ar fimm ára sam­bandsaf­mæli sínu í ár.

Hvernig kynnt­ist þú mak­an­um þínum?

„Ég og Car­ina kynnt­umst í fram­halds­skóla. Vina­hóp­ar okk­ar hafa alltaf tengst þannig að ég vissi alltaf af henni. Við urðum mjög góðir vin­ir á skóla­göng­un­um en fór­um svo fljót­lega að spjalla á Snapchat.

Eitt kvöldið tókst mér að plata hana til að klippa á mér hárið, í miðjum kór­ónu­veirufar­aldri, og eft­ir það ákváðum við að horfa á kvik­mynd­ina Elf. Kvöld­inu lauk með kossi. Við ríf­umst enn þann dag í dag um hvort okk­ar hefði átt frum­kvæðið að koss­in­um, ég vil meina að það hafi verið ég.“

Hversu krútt­leg? Ljós­mynd/​Aðsend

Ætlar að bjóða döm­unni í Hvamms­vík

Hvort ykk­ar er róm­an­tísk­ara?

„Ég verð að viður­kenna að hún er róm­an­tísk­ari helm­ing­ur­inn í sam­band­inu en ég á þó mín augna­blik. Car­ina bauð mér ný­verið í róm­an­tíska para­ferð til Spán­ar í til­efni af af­mæl­inu mínu.“

Ert þú með skemmti­leg plön fyr­ir konu­dag­inn?

„Við elsk­um að fara í jarðböð, þannig að á konu­dag­inn lang­ar mig að bjóða henni í Hvamms­vík til að njóta slök­un­ar og ljúfra stunda.“

Er ein­hver róm­an­tísk hefð sem þið hafið þróað sam­an?

„Við höf­um þróað þá skemmti­legu hefð að keyra til Ak­ur­eyr­ar yfir vetr­ar­tím­ann í kósí „get away“. Einnig finnst okk­ur gam­an að fara í keilu en það get­ur oft orðið smá-óróm­an­tískt þar sem við erum bæði með mjög mikið keppn­is­skap.“

Það er fátt betra en koss frá elsk­unni þinni. Ljós­mynd/​Aðsend

Tengd­ar frétt­ir

Allt fyr­ir ást­ina

Sér ekki sól­ina fyr­ir sín­um heitt­elskaða

• „Hún skipaði mér að fara upp á spít­ala“
• Pattra og Theo­dór Elm­ar ást­fang­in í 16 ár
• „Það besta við kyn­líf á fimm­tugs­aldri er frelsið“
• „Af hverju lít ég út eins og strump­ur?“

» Fleiri tengd­ar frétt­ir

• Blogga um frétt