Smartland Mörtu Maríu | Samskipti | mbl | 28.2.2025 | 11:00

Glæsilegustu einhleypu konur landsins

Bríet, Guðrún Svava, Áslaug Arna og Hrafnkatla, glæsilegar konur hér á ferð. Samsett mynd

Leitin að ástinni getur verið snúin, sérstaklega í hröðum og síbreytilegum heimi. Til að auðvelda landanum leitina hefur Smartland tekið saman lista yfir glæsilegustu einhleypu konur Íslands.

Áslaug Arna Sigurbjörnsdóttir - 34 ára

Flestir þekkja Áslaugu Örnu, þingmann Sjálfstæðisflokksins, sem nú berst um að verða næsti formaður flokksins. Áslaug er metnaðarfull og efnileg kona sem leggur mikið upp úr því að vera vel til höfð og fín til fara, bæði í starfi og einkalífi.

Áslaug Arna þingmaður Sjálfstæðisflokksins glæsileg. Morgunblaðið/Brynjólfur

Bríet Ísis Elfar - 25 ára

Söngkonan Bríet er ein vinsælasta tónlistarkona landsins, þekkt fyrir að semja hvern smellinn á fætur öðrum og hlotið fjölda viðurkenninga fyrir list sína. Að undanförnu hefur hún haldið sig fjarri sviðsljósinu og einbeitt sér að lagasmíðum í rólegheitum sveitakyrrðarinnar.

Gullfallega söngkonan Bríet. Haraldur Jónasson/Hari

Guðrún Svava Egilsdóttir - 22 ára

Guðrún Svava Egilsdóttir, betur þekkt sem Gugga í Gúmmíbát, er hlaðvarpsstjarna í hlaðvarpinu Veislan og starfar jafnframt hjá Kírópraktorstöð Íslands. Ferill hennar hefur vaxið hratt síðasta árið en hún þykir gullfalleg og efnileg ung kona.

Guðrún Svava er stórglæsileg. Skjáskot/Instagram.

Gyða Dan Johansen - 51 árs

Gyða Dan er stórglæsileg flugfreyja hjá Icelandair og jógakennari með fjölbreyttan og glæsilegan starfsferil að baki. Hún hefur meðal annars starfað sem rekstrarfulltrúi hjá 365, flugfreyja hjá Air Atlanta og unnið hjá Hreppmjólk, svo fátt eitt sé nefnt. Gyða er mikil ævintýrakona, smart og lifir lífinu til fulls.

Gyða Dan Johansen er afar glæsilega kona. mbl.is/Eggert Jóhannesson

Hrafnkatla Unnarsdóttir - 27 ára

Hrafnkatla er á lokametrunum í námi við Listaháskóla Íslands og starfar í fataverslun. Hún hefur síðustu mánuði unnið hörðum höndum að því að láta drauminn rætast – að opna Pons Vintage, barnafataverslun með einstakan sjarma.

Hrafnkatla, ung og glæsleg í nýju versluninni sinni. Skjáskot/Instagram

Guðný Björk Halldórsdóttir - 27 ára

Lífskúnstnerinn Guðný Björk Halldórsdóttir er óhrædd við að fara sínar eigin leiðir. Hún hefur búið í Danmörku um nokkurra ára skeið en er nú flutt aftur til Íslands þar sem hún nýtur lífsins til fulls.

Stemningskonan Guðný Björk. Ljósmynd/Hjördís Jónsdóttir

Sóley Bára Þórunnardóttir - 20 ára

Sóley Bára Þórunnardóttir er ung, glæsileg og hæfileikaríkur dansari sem hefur notið mikillar athygli á sviðinu. Hún var meðal annars dansari á fimm tónleikum með Iceguys, sem fylltu Laugardalshöllina í desember síðastliðnum. Sóley er sannkölluð stemningskona sem elskar að dansa, vera á sviði og fyrir framan myndavélina. Um þessar mundir er hún í heimsreisu með vinkonu sinni og nýtur lífsins til fulls, en í haust stefnir hún á nám í sálfræði.

Dansarinn og stemningskonan Sóley Bára. Skjáskot/Instagram

Sonja Rut Valdín Sævarsóttir - 29 ára

Sonja Valdín, betur þekkt sem Sonja Story, var ein stærsta Snapchat-stjarna landsins á sínum tíma. Hún hefur leikið í kvikmynd, tekið þátt í Söngvakeppninni og er nú í flugfreyjunámi hjá Icelandair, þar sem hún stefnir á nýtt og spennandi ævintýri.