Einhleypir og eftirsóttir akkúrat núna

Það hafa sjald­an verið eins marg­ir sjarmer­andi menn á lausu eins og akkúrat núna. Þess vegna er ráð að taka sam­an lista yfir þá allra eft­ir­sótt­ustu. Það er kannski ekk­ert eitt sem ein­kenn­ir þessa menn annað en að þeir elska lífið og vilja nóta þess til fulls. 

Friðrik Róbertsson - 27 ára

Friðrik, betur þekktur undir listamannsnafninu Floni, er einn af fremstu listamönnum landsins um þessar mundir. Hann er nýbúinn að gefa út nýja plötu sem tók heil fimm ár í vinnslu, enda leggur hann mikið upp úr því að vanda hvert einasta skref og gera allt sem hann gerir eins vel og hann getur.

Floni, einn af fremstu listamönnum landsins. Morgunblaðið/Eggert

Reynir Grétarsson - 52 ára

Reynir eig­andi fjár­fest­ing­ar­fé­lags­ins In­foCapital er fyr­ir­ferðar­mik­ill í ís­lensku viðskipta­lífi. Hann er ævintýramaður sem kann að lifa lífinu. Á dögunum sagði hann frá því í viðtali hvernig hann hefði breytt um takt til að fá meira út úr lífinu. 

Frétt af mbl.is

„Allar mikilvægustu orrusturnar í lífinu eiga sér stað inni í hausnum á mér“

Reynir Grétarsson er ævintýramaður sem kann að njóta lífsins. mbl.is/Karítas

Blær Hinriksson - 23 ára

Blær er ungur og efnilegur drengur með bjarta framtíð. Hann er ekki aðeins liðtækur handboltamaður heldur einnig leikari og sálfræðinemi, sem sýnir hversu fjölhæfur hann er. 

Blær Hinriksson er hávaxinn og glæsilegur. Skjáskot/Instagram

Kristmundur Axel Krist­munds­son - 31 árs

Rapp­ar­inn Krist­mund­ur Axel Krist­munds­son þekk­ir vel til lífsins í sviðsljós­inu og tón­listin á allan hug hans. Samhliða tónlistinni hefur hann unnið í fjölbreyttum verkefnum hjá FM957, sem gefur honum gott yfirlit yfir íslenska skemmtana- og menningarheiminn. Kristmundur er einlægur, efnilegur og með fjölbreytta lífsreynslu.

Rapparinn Kristmundur Axel.

Kristján Einar Sigurbjörnsson - 27 ára

Kristján Einar, oftast kallaður Kleini, er sjómaður og eigandi húsgagnaverslunar sem selur notuð húsgögn – verkefni sem hann hefur verið að vinna að með fullum krafti. Kleini hefur verið í sviðsljósinu síðustu ár af ýmsum ástæðum og segist nú vera hæstánægður með lífið.

Kleini, hæstánægður með lífið. Skjáskot/Instagram

Guðmundur Oddur Eiríksson - 30 ára

Guðmundur er sjóðsstjóri í eignastýringu hjá félaginu SIV en starfaði áður hjá VÍS sem sérfræðingur í fjárfestingum. Hann er ekki aðeins með glæsilegan starfsferil að baki heldur leggur hann einnig mikla áherslu á heilsuna, en Guðmundur æfir CrossFit og keppti á sínu fyrsta Íslandsmóti í lok árs 2024.

Guðmundur, sjóðssstjóri SIV í góðu standi. Skjáskot/Instagram

Ísleifur Atli Mattíasson - 23 ára

Ísleifur Atli, betur þekktur sem ISSi, er ungur, efnilegur og metnaðarfullur tónlistarmaður sem hefur látið verulega til sín taka upp á síðkastið. Nýjasta útspil hans er lagið „Gleyma“, sem hann gaf út í samstarfi við tónlistarmanninn Valdimar og hefur slegið rækilega í gegn. 

ISSI, ungur og efnilegur tónlistamaður hér á ferð. Skjáskot/Instagram

Nökkvi Dan Elliðason - 27 ára

Nökkvi er ungur og efnilegur maður sem hefur náð miklum árangri. Hann útskrifaðist með meistaragráðu í tölvunar- og gagnafræði frá Yale-háskólanum sumarið 2023 og starfar nú í Lissabon í Portúgal sem forstjóri GAIMIN.

Forstjóri GAIMIN, Nökkvi Dan. Skjáskot/Instagram

• Blogga um frétt