Nánd er heitt orð í sambandsfræðum í dag. Allir þrá nánd í heimi snjalltækja og samfélagsmiðla. Hér eru nokkrar spurningar sem opna á dýpri nánd í sambandinu frá vefritinu The Stylist en það voru samabandssérfræðingar sem tóku saman spurningarnar.

1. Ef þú gætir upplifað aftur einn hversdagslegan dag með mér, hvaða dag og afhverju?

„Ástin verður til í hversdagsleikanum. Þessi spurning vekur upp hugleiðingar um hvað það er í hversdeginum sem makinn kann einna best að meta. Þetta gætu verið augnablik sem almennt fara framhjá manni. Þetta getur leitt í ljós hvað skiptir maka þinn máli og þið fundið leiðir til þess að njóta betri gæðastunda saman.“

2. Ef sambandið væri kvikmynd, hvert væri „tvistið“ í söguþræðinum?

„Grín og gamansemi getur leikið stórt hlutverk í samskiptum þínum við makann. Þetta er spurning sem kannar á áhugaverðan hátt hvernig makinn sér samband ykkar þróast. Hvað væri óvænt? Hvað hefur breyst í áranna rás? Hverju áttu þau aldrei von á? Búðu þig undir að fá svör sem þú áttir ekki von á og eru ólík þínum pælingum. Það er kryddið í tilveruna.“

3. Hvað er það sem ég geri ómeðvitað sem lætur þér líða elskuðum?

„Við sýnum oft umhyggju án þess að átta okkur á því. Þessi spurning opnar á það samtal.“

4. Hvaða áhættur ættum við að taka?

„Þessi spurning fær ykkur til þess að velta fyrir ykkur vaxtatækifærum í sambandinu. Hvort um sé að ræða andleg eða raunveruleg ævintýri sem veita ykkur áskoranir og spennu í lífið.“

5. Hefurðu haldið aftur af þér í sambandinu?

„Raunveruleg nánd snýst um að vera fullkomlega maður sjálfur. Með þessari spurningu ertu að opna á berskjöldun, hreinskilni og hugrekki til að vera einlægur og afhjúpa það sem mætti bæla niðri.“

Tengdar fréttir

Samskipti kynjanna

Þetta segja taugasálfræðingar um kynlíf

• Af hverju tekur langan tíma að fá fullnægingu?
• Heiðdís Rós hefur fundið stóru ástina
• Þegar makinn hefur engan metnað
• Tinna og Ari ástfangin í tvö ár

» Fleiri tengdar fréttir

• Blogga um frétt