Sum­um finnst þetta sætt en öðrum mjög skrítið. Af­hverju nota sum­ir barnarödd í sam­skipt­um?

Í um­fjöll­un The Styl­ist kem­ur fram að marg­ir eiga það til að nota svo­kallaða barnarödd, sem er eins og orðið gef­ur til kynna, rödd sem lík­ist því þegar maður tal­ar við lítið barn. Tónn­inn er hærri og ýkt­ari. En þarna er hins veg­ar ekki verið að tala við börn held­ur full­orðna, oft­ast mak­ann.

„Þetta er rödd sem ég nota þegar ég vil ráða hvaða bíó­mynd við horf­um á eða þegar ég bið hann að skreppa út í búð seint að kvöldi.“

Leik­ar­inn Ju­lia Fox hef­ur rætt þetta fyr­ir­bæri í ný­legu viðtali í Vanity Fair. „Þegar ég er stressuð þá dett ég í að nota rödd sem er kjána­leg. Mér finnst eins og að fólk verði þá vin­gjarn­legra gagn­vart mér. Ég held að marg­ar kon­ur geri þetta. Þetta er varn­ar­tæki til að passa upp á að séð verði vel um þær,“ sagði Fox.

Þetta er al­geng­ara en maður held­ur. Rann­sókn­ir Kins­ey stofn­un­ar­inn­ar benda til þess að um 75% para not­ast við svona barna­tal til þess að tjá vænt­umþykju og á sam­skipta­máti er al­geng­ari meðal kvenna að sögn sál­fræðings­ins Elena Touroni.

„Sam­fé­lags­leg viðmið gætu haft eitt­hvað um þetta að segja. Það þykir kven­legt að vera barns­leg. Karl­ar gætu hins veg­ar fundið fyr­ir þrýst­ingi að vera karl­manns­legri. En vel ber að merkja að karl­ar nota líka barnarödd þó það sé óal­geng­ara.“

„Barnarödd­in get­ur líka átt upp­tök sín í barnæsk­unni og það hvernig for­eldr­ar töluðu við okk­ur í æsku. Þetta er lærð hegðun sem við tengj­um við umönn­un og kær­leika. Full­orðnir geta notað þenn­an sam­skipta­máta í ýms­um aðstæðum til þess að tjá lang­an­ir sín­ar. Þá get­ur þetta líka gefið til kynna ákveðið sak­leysi og vina­leg­heit og kallað fram já­kvæð viðbrögð frá öðrum.“

„Þessi rödd hef­ur líka líf­fræðileg áhrif á heila­stöðvar okk­ar segja sál­fræðing­ar. Þegar full­orðnir nota þessa rödd þá virkj­ar hún þær heila­stöðvar sem tengj­ast tengslamynd­un sem er rök­rétt út frá þró­un­ar­fræði þar sem börn þurfa um­hyggju til að lifa af og barns­rödd­in virk­ar þau viðbrögð í heil­um full­orðinna. Að sama skapi gagn­ast þessi rödd til tengslamynd­un­ar í sam­bönd­um.“

„Ég veit ekki af­hverju ég geri þetta en mér finnst þetta hlý­leg leið til þess að sýna vænt­umþykju. Þetta er samt smá skrítið, ég viður­kenni það!“ - seg­ir Amel­ía, 29 ára.

„Ég hef notað þetta ómeðvitað í gegn­um tíðina og er leið til þess að tjá mig um viðkvæma hluti. Ég er mjög kvíðin og þetta er mín leið til að opna sam­skipt­in og ber­skjalda mig. Eins til að mýkja beiðnir og gera þær minna krefj­andi. Það er t.d. erfiðara að vera reiður við barn.“

„En þetta virk­ar ekki á alla og sum­ir geta brugðist illa við. Þótt það óþægi­legt,“ seg­ir sál­fræðing­ur­inn. „Eins og verið sé að koma fram við þau eins og barn frek­ar en jafn­ingja.“

Ju­lia Fox viður­kenn­ir að nota mikið barnarödd til að kljást við fólk. AFP

Tengd­ar frétt­ir

Sam­skipti kynj­anna

Ekki endi­lega „kin­ky“ alla daga

• Hætti að stunda kyn­líf í eitt ár og þetta gerðist
• Vellíðun­ar­horm­ón hveiti­brauðsdag­anna veita sömu sælu og kókaín
• Hvernig á að stunda skyndikynni án ve­sens?
• Hvað er „trauma bond“ og hvernig á að kom­ast út úr því?

» Fleiri tengd­ar frétt­ir

• Blogga um frétt