Vinsælt að sýna frá fyrsta stefnumótinu á TikTok

TikT­ok-æðið „Date With Me“ eða „stefnu­mót með mér“ hef­ur farið öf­ugt ofan í marg­an net­verj­ann. Líkt og tísku­bylgj­an „Get Rea­dy With Me“ og „Come With Me“, snýst þetta um að sá sem býr til efnið fyr­ir TikT­ok „tek­ur“ fylgj­end­urna með sér, þ.e. þeir fá að fylgj­ast með sta­f­rænt.

Mynd­skeiðin sýna ým­ist hvernig viðkom­andi hef­ur sig til fyr­ir stefnu­mót, klipp­ur frá stefnu­mót­inu sjálfu, grein­ar­gerð eft­ir stefnu­mótið o.fl. Jafn­vel ger­ast sum­ir svo djarf­ir að sýna frá stefnu­mót­inu í lif­andi streymi.

En af hverju er fólk svo hrifið af þessu fyr­ir­brigði?

Stefnu­mótaþjálf­ar­inn Grace Lee seg­ir að freist­andi sé bæði fyr­ir fylgj­end­ur og þá sem búa til „Date With Me“-efnið að upp­lifa stefnu­mótið og und­ir­bún­ing­inn sam­an því þeim finn­ist þeir síður einmana. „Á yf­ir­borðinu geta stefnu­mót virst skemmti­leg en fyr­ir marga eru þau skelfi­leg. Að deila reynsl­unni á þenn­an hátt, sér­stak­lega þeirri slæmu, get­ur mildað höggið.“

Ef stefnu­mótið geng­ur illa þá hef­ur viðkom­andi a.m.k tek­ist að búa til efni úr því fyr­ir TikT­ok, seg­ir sál­fræðing­ur­inn Sarah Hensley. Og það er ástæða þess að mörg­um finnst þessi tíska vera fyr­ir neðan all­ar hell­ur, þ.e. hug­mynd­in um að fólk sé að taka nána, per­sónu­lega, viðkvæma reynslu og nýta hana fyr­ir efni á sam­fé­lags­miðlum.

Þegar allt er gert fyr­ir smell­ina líði tengsl­in fyr­ir smell­ina og þegar fjöldi áhorfa er aðal­atriðið er hætt­an að ein­lægn­in hverfi og sam­skipt­in verði yf­ir­borðskennd. Þótt fólk láti sem það sé að koma hreint fram og sé ein­lægt í því sem það geri þá setji það samt upp leik­rit fyr­ir fylgj­end­ur sína.

Cos­mopolit­an

• Blogga um frétt