Ingvi Hrafn Óskars­son lögmaður á Lög­fræðistofu Reykja­vík­ur svar­ar spurn­ing­um les­enda Smart­lands. Hér fær hann spurn­ingu frá manni sem spyr út í um­mæli Daða Más Kristó­fers­son­ar fjár­málaráðherra. 

Sæll Ingvi Hrafn. 

Í aðdrag­anda útboðs hluta­fjár í Íslands­banka lýsti fjár­málaráðherra því yfir að ís­lensku bank­arn­ir væru meðal ör­ugg­ustu fjár­fest­inga. Mér þóttu þetta vera skrít­in um­mæli, líkj­ast söluræðu bíla­sala. Get­ur ráðherra sagt hvað sem er við þess­ar aðstæður, ber hann enga ábyrgð?

Pét­ur

Sæll Pét­ur

Þetta er áhuga­verð spurn­ing um flókið viðfangs­efni. Á þessu sviði gild­ir viðamikið reglu­verk sem ekki er mögu­legt með góðu móti að gera skil á þess­um vett­vangi. Þó er rétt að benda á að í tengsl­um við útboð á hlut­um í Íslands­banka var unn­in svo­kölluð út­gáfu­lýs­ing í sam­ræmi við lög nr. 14/​2020 um lýs­ingu verðbréfa sem boðin eru í al­mennu útboði. Með lög­un­um var inn­leidd reglu­gerð EES nr. 2017/​1129 um sama efni. Mark­mið þess­ara laga er að tryggja fjár­festa­vernd með full­nægj­andi og sam­ræmdri upp­lýs­inga­gjöf við al­menn útboð verðbréfa. Lýs­ingu er ætlað að veita ná­kvæm­ar og hlut­læg­ar upp­lýs­ing­ar sem geri al­menn­um fjár­fest­um kleift að taka upp­lýst ákvörðun um fjár­fest­ingu í útboði, en lýs­ing­in er háð samþykki Fjár­mála­eft­ir­lits­ins, sem yf­ir­fer hvort upp­lýs­inga­gjöf­in sam­ræm­ist þeim ríku efnis­kröf­um sem til henn­ar eru gerðar.

Ljóst er að öll upp­lýs­inga­gjöf sem veitt er í tengsl­um við útboð hluta­bréfa verður að byggj­ast á lýs­ing­unni til þess að tryggja fjár­festa­vernd. Í nefndri reglu­gerð nr. 2017/​1129, sem laga­gildi hef­ur hér á landi, er t.a.m. að finna ákvæði um aug­lýs­ing­ar í 22. gr., sem kveður á um að þær megi ekki vera rang­ar eða vill­andi. Þá kem­ur fram að 4. mgr. 22. gr. að all­ar upp­lýs­ing­ar um al­mennt útboð verðbréfa, sem sett­ar eru fram munn­lega eða skrif­lega, jafn­vel þótt ekki sé í aug­lýs­inga­skyni, skuli vera í sam­ræmi við upp­lýs­ing­arn­ar í lýs­ing­unni.

Um­mæli ráðherra falla vænt­an­lega und­ir fram­an­greint, þar sem yf­ir­lýs­ing ráðherra var gef­in eft­ir að út­gáfu­lýs­ing­in var birt og áður en útboðinu var lokið. Telj­ist um­mæl­in vill­andi eða ekki í sam­ræmi við efni út­gáfu­lýs­ing­ar gætu þau tal­ist brjóta gegn þess­um skyld­um sem á fjár­málaráðherra hvíldi sem selj­anda hluta í al­menn­um útboði. Niðurstaða um hvort þau hafi varðað við lög væri háð ít­ar­legri rann­sókn á öll­um máls­at­vik­um, þar á meðal ná­kvæmu orðalagi um­mæl­anna, sam­hengi þeirra, þeim upp­lýs­ing­um sem lágu fyr­ir í útboðslýs­ingu og öðrum gögn­um, og mati á því hvort full­yrðing­in um „ör­ugg­ustu fjár­fest­ing­ar“ hafi verið vill­andi eða ófor­svar­an­leg í ljósi þeirra krafna sem gerðar eru til upp­lýs­inga­gjaf­ar og ábyrgðar ráðherra. Um niður­stöðu slíkr­ar at­hug­un­ar er ekk­ert full­yrt hér, en mér kæmi á óvart ef leiða má af ít­ar­legri út­gáfu­lýs­ingu vegna útboðsins að fjár­fest­ing í Íslands­banka sé meðal ör­ugg­ustu fjár­fest­inga sem fyr­ir finn­ast.

Kveðja,

Ingvi Hrafn Óskars­son, lögmaður.

Ligg­ur þér eitt­hvað á hjarta? Þú get­ur sent Ingva Hrafni og öðrum lög­mönn­um á Lög­fræðistofu Reykja­vík­ur spurn­ingu HÉR. 

Tengd­ar frétt­ir

Spurðu lög­mann­inn

Þarf fjórða systkinið að af­sala sér arf­in­um?

• Mega börn lána for­eldr­um 10 millj­ón­ir?
• Íbúðin var skráð á hana: Hvað ger­ist við sam­búðarslit?
• Hvað máttu gefa mikla pen­inga án þess að lenda í veseni?
• Get­ur faðir gefið börn­un­um hlut í fyr­ir­tæk­inu sínu?

» Fleiri tengd­ar frétt­ir

• Blogga um frétt