Fimm forleikir sem kveikja í ykkur

Marg­ar róm­an­tísk­ar skáld­sög­ur túlka kyn­líf sem ansi sjálf­sagðan hlut og eitt­hvað sem geti gerst í flumbru­gangi á milli tveggja ein­stak­linga. Föt­in eru rif­in af á svefn­her­berg­is­gang­in­um og dæmið jafn­vel klárað áður en náð er inn í svefn­her­bergið. Þótt það hljómi spenn­andi, sem skáld­skapn­um er ætlað að vera, þá er þetta því miður ekki alltaf raun­in.

Líkt og seg­ir á vef Cos­mopolit­an þá er kyn­líf ekki alltaf efst í huga fólks og þá kem­ur for­leik­ur­inn sterk­ur inn.

Dr. Tara Suw­inyattichaiporn skil­grein­ir for­leik sem hverja þá kyn­ferðis­legu at­höfn sem virk­ar örv­andi. Dr. Joy Berk­heimer seg­ir að: „Ljúf upp­bygg­ing í gegn­um fram­lengd­an for­leik ýtir und­ir örvun og ger­ir kyn­lífið sjálft ánægju­legra og af­slappaðra.“

Rann­sókn­ir sýna að yfir 75% þeirra sem eru með leggöng þurfa meira en aðeins lim­inn til að fá full­næg­ingu. For­leik­ur­inn snýst um tengsl­in og upp­bygg­ingu spennu. Dr. Berk­heimer seg­ir for­leik­inn vera: „List­ina við að ná dýpri teng­ingu í gegn­um huga og lík­ama.“

Að klæm­ast í skila­boðum get­ur örvað hvort annað and­lega. Dom­inic San­sotta/​Unsplash

1. Að senda skila­boð af kyn­ferðis­leg­um toga

Dr. Suw­inyattichaiporn seg­ir kyn­ferðis­leg texta­skrif í smá­skila­boðum eina auðveld­ustu og skil­virk­ustu leiðina til að byggja upp spennu, einkum fyr­ir þá sem þurfa and­lega upp­hit­un fyrst. Skila­boðin má skrifa og senda hvenær sem er dags­ins, til að kveikja í viðkom­andi.

2. Grípið í hvort annað við ýmis tæki­færi

For­leik­ur­inn þarf ekki að vera fyr­ir­fram skipu­lagður. All­ar smá­snert­ing­ar yfir dag­inn geta kynt veru­lega und­ir; eins og að grípa í rass­inn á mak­an­um þegar hann er að bursta tenn­urn­ar eða toga mak­ann nær sér á meðan tekið er til í eld­hús­inu eft­ir mat­inn.

„Snert­ing­ar og leik­ir stilla ykk­ur sam­an og losa einnig [ástar­horm­ónið] oxýtósín.“

3. Kyn­lífs­leik­föng

Kyn­lífs­leik­föng eiga ekki að koma í staðinn fyr­ir nánd­ina held­ur örva gleðina. Dr. Suw­inyattichaiporn seg­ir þau „einkar skil­virk og skemmti­leg“, sér­stak­lega á meðan á for­leikn­um stend­ur. Samt sem áður virðast sum­ir forðast kyn­lífs­leik­föng eins og heit­an eld­inn.   

Að horfa á hvort annað af­klæðast get­ur ýtt und­ir kyn­ferðis­lega spennu. Shin Shima­mi/​Unsplash

4. Sam­tal um fant­así­ur

Líkt og áður seg­ir er for­leik­ur­inn ekki aðeins lík­am­leg­ur held­ur er hægt að nota orðin líka. „Að koma fant­así­um í orð efl­ir and­lega örvun,“ sam­kvæmt Dr. Berk­heimer.

Hún bæt­ir við að gott sé að velja lá­deyðustund­ir til að koma á óvart með setn­ingu á borð við : „Ég hef alltaf velt fyr­ir mér hvernig væri að ...“  

5. Fylg­ist með hvort öðru af­klæðast

Lík­am­ar í sinni ólíku mynd eru svo fal­legt fyr­ir­bæri. Það að fylgj­ast með mak­an­um af­klæðast get­ur verið mjög örv­andi og þá þarf eng­an strípi­dans til, ekki nema að það sé þín leið. Að horfa á mak­ann af­klæðast get­ur búið til ákveðna spennu og veitt at­hygli sem er mjög svo eró­tísk.

Enn og aft­ur, for­leik­ur­inn er alls kon­ar og snýst ekki ein­ung­is um snert­ingu, held­ur get­ur at­hygli og það að horfa á viðkom­andi kitlað lost­ann hjá báðum.

Cos­mopolit­an

• Blogga um frétt