Ástin kviknaði snemma hjá Álfrúnu Freyju Heiðars­dótt­ur og Birgi Orra Ásgríms­syni, 21 árs Ak­ur­eyr­ing­um sem felldu hugi sam­an í grunn­skóla og hafa verið sam­an síðan.  

„Við vit­um eig­in­lega hvor­ugt hvernig þetta byrjaði. Við vor­um bara búin að þekkj­ast alltaf fannst manni og síðan strax eft­ir grunn­skóla small eitt­hvað og við ákváðum að kýla á þetta,“ seg­ir Birg­ir um upp­haf sam­bands­ins.

„Við vor­um á sama leik­skóla og í sama grunn­skóla og byrjuðum svo sam­an eft­ir tí­unda bekk. Við vor­um sam­an í bekk í mennta­skóla og erum eig­in­lega í fyrsta skipti núna ekki sam­an í skóla. Þannig að við erum búin að þekkj­ast ansi lengi og búin að vera sam­an núna í fimm ár,“ seg­ir Birg­ir og Álfrún bæt­ir við: „Það er svona að vera Ak­ur­eyr­ing­ur.“ 

Hvernig vissuð þið að hitt væri hið eina rétta? 

„Fyr­ir mig var það hvað við erum ólík. Við erum virki­lega ólík í okk­ur og við virk­um ofboðslega vel sam­an,“ seg­ir Birg­ir og Álfrún tek­ur und­ir. Þau segj­ast hafa gjör­ólíka sýn á hlut­ina, það sé þó já­kvætt þar sem þau opni sjón­deild­ar­hring hvors ann­ars og jafni hvort annað út. 

Parið býr sam­an í Osló ásamt Hebu, syst­ur Birg­is. Ljós­mynd/​Aðsend

„Ég horfi svo­lítið svona rök­rétt á heim­inn og Álfrún er með þessa til­finn­inga­legu inn­sýn inn í hlut­ina,“ seg­ir Birg­ir. „Birg­ir er aðeins meira fer­kantaður og ég er meira fiðrildi,“ seg­ir Álfrún. „En gild­in okk­ar eru þau sömu þó að við sjá­um ekk­ert endi­lega sömu leiðina að þeim,“ seg­ir Birg­ir.  

Parið býr nú sam­an í Osló ásamt syst­ur Birg­is, Hebu, og hund­in­um Mel­bu. Sam­búðina segja þau ganga mjög vel. „Við Heba erum auðvitað vön því að búa sam­an,“ seg­ir Birg­ir. Hann seg­ir mest­an ágrein­ing koma á milli hans og stelpn­anna, þær séu yf­ir­leitt sam­mála um hvað eigi að gera og hvernig eigi að gera það.  

Hver er lyk­ill­inn að góðu sam­bandi, alla­vega í ykk­ar til­felli? 

„Ég segi að kunna að tala sam­an og vita að það sé eðli­legt, sér­stak­lega þegar maður er svona ung­ur, eins og við byrj­um sam­an fimmtán ára, að fá rosa marg­ar mis­mun­andi til­finn­ing­ar. En að það sé hægt að vinna sam­an í gegn­um allt, maður þurfi ekki alltaf að bregðast við öllu strax, það sé hægt að ræða allt og gera það sam­an,“ seg­ir Birg­ir.  

Birg­ir og Melba. Ljós­mynd/​Aðsend

Að þekkja það hvenær hin mann­eskj­an þarf pláss,“ seg­ir Álfrún. „Já, akkúrat, að gefa hvort öðru pláss en á sama tíma að taka mikið pláss í lífi hvors ann­ars,“ bæt­ir Birg­ir við.  

Hvort ykk­ar er róm­an­tísk­ara? 

„Birg­ir,“ seg­ir Álfrún og hlær. „Ég get verið rosa rómó sko,“ seg­ir Birg­ir kím­inn, „kaupi blóm og svona.“ Álfrún seg­ir Birgi leggja mikið upp úr því að þau eigi gæðastund­ir sam­an. „Það er ekki hægt að sitja bara sam­an, það þarf alltaf að vera að gera eitt­hvað,“ út­skýr­ir hún.  

„Ég þarf alltaf að hafa til­gang í öllu sem ég geri og ég vil að við náum að tengj­ast hvort öðru eft­ir lang­an dag,“ seg­ir Birg­ir.  

Hverj­ir eru bestu kost­ir mak­ans þíns? 

„Birg­ir er mjög róm­an­tísk­ur og það er alltaf hann sem pass­ar að allt sé hreint á heim­il­inu. Hann er snyrtip­inni,“ seg­ir Álfrún.  

„Álfrún nær að draga mig, ekki beint til jarðar, en svona inni í það sem skipt­ir máli. Hún sýn­ir mér það sem skipt­ir raun­veru­lega máli, að vera bara núna. Svo er líka bara svo gam­an að vera með henni. Það er eitt að eiga kær­ustu en annað að eiga besta vin á sama tíma. Það er alltaf gam­an hjá okk­ur og við höf­um alltaf eitt­hvað að tala um og gera,“ seg­ir Birg­ir.

„Maður er eig­in­lega bara bú­inn að al­ast upp sam­an.“ Ljós­mynd/​Aðsend

Eru ein­hverj­ir hápunkt­ar í sam­band­inu? 

„Það er svo­lítið fyndið að vera búin að vera sam­an í fimm ár en vera samt svo ung­ur að maður er eig­in­lega bara bú­inn að al­ast upp sam­an,“ seg­ir Álfrún.  

„Ég held að hápunkt­ur­inn sé eig­in­lega bara hvað okk­ur líður vel að búa sam­an. Við erum svona til­tölu­lega ný­flutt inn sam­an, við flutt­um inn sam­an í ág­úst í fyrra, og það er svo nátt­úru­legt fyr­ir okk­ur,“ seg­ir Birg­ir.  

Parið seg­ist vera búið að finna sitt „heima“ sam­an í Osló. „Ég held að við séum á rosa háum punkti núna og ætl­um bara að reyna að fara upp,“ seg­ir Birg­ir að lok­um. Framtíðin sé óráðin og björt. 

Tengd­ar frétt­ir

Sam­skipti kynj­anna

Venju­legt ís­lenskt fjöl­skyldu­fólk sem stund­ar stund­um „sw­ing“

• Af hverju held­ur fólk fram­hjá ef það get­ur verið í opnu sam­bandi?
• Kyn­lífs­stell­ing­in skip­stjór­inn: „Ahoy!“
• Sam­keppni meðal kvenna meiri en karla
• Kven­lær­in hafa sann­ar­lega mik­inn til­gang

» Fleiri tengd­ar frétt­ir

Ást

Mat­hilda Djerf sagði já

• Sagði já eft­ir 43. bón­orðið
• Sleppti brúðinni vilj­andi í sund­laug
• Love Is­land-stjörn­ur á leið í hnapp­held­una
• Dótt­ir Gerr­ard eignaðist barn með syni mafíósa

» Fleiri tengd­ar frétt­ir

• Blogga um frétt