Knattspyrnugoðsögnin Lionel Messi er nú lentur í vandræðum og það gagnvart heilli þjóð. Egyptar eru brjálaðir út í kappann eftir að Messi ákvað að gefa notaða takkaskó sína til góðgerðarmála í sjónvarpsþætti þar í landi. En hvers vegna í veröldinni ætti það að vera eitthvað sem getur farið fyrir brjóstið á einhverjum?

Jú, vegna þess að í þessu arabíska hluta heimsins er skótau eitthvað sem flokkast sem óhreint. Það þykir því mikill dónaskapur að gefa notaða skó af sér. Málið er nú komið alla leið í egypska þingið þar sem þingmaðurinn Said Hasasin sagði egypska þjóð ekki hafa verið móðgaða svona í 7.000 ár og að hann myndi lemja Messi með skónum sínum!

Egypska knattspyrnusambandið er líka búið að tjá sig um málið og er Messi þar á bæ bent á að Egyptar þurfi ekki notaða skó frá Messi og alls ekki neitt í góðgerðarskyni frá knattspyrnukappanum. Aumingja Messi sem ætlaði bara að styrkja gott málefni situr því eftir með sárt enni en sennilega reynslunni ríkari.

Lionel Messi. mbl.is/AFP

Tengdar fréttir

EM skúmaskotið

Jóhann Berg og Hófý eiga von á barni

• Allir í símanum
• Konur landsliðsmanna með dýran smekk
• Það verða allir komnir í svona skó
• Ertu feik eða alvöru fótboltabulla?

» Fleiri tengdar fréttir

• Blogga um frétt