Aron Einar Gunnarsson, fyrirliði íslenska landsliðsins, og eiginkona hans, fitnesdrottningin Kristbjörg Jónasdóttir, eyða nú hveitibrauðsdögunum á fimm stjörnu lúxushóteli á Maldíveyjum. 

Hótelið sem hjónakornin eru á heitir Hurawalhi Island Resort og er hið glæsilegasta með 9,3 í einkunn á booking.com. Hótelið samanstendur af litlum húsum sem liggja úti í sjó. Hægt er að velja mismunandi tegundir herbergja en Aron Einar og Kristbjörg völdu sér herbergi með lítilli sundlaug. 

Það tók Aron Einar og Kristbjörgu 27 klukkutíma að komast á leiðarenda en sé skoðað flug ár fram í tímann til Maldíveyja kostar flug fyrir einn aðra leiðina í júní 2018 um 170.000 krónur. En þá á eftir að bóka flug á eyjuna sem hótelið er á. 

Gisting í eina nótt í júní árið 2018 með öllu inniföldu kostar 150.000 krónur nóttin en á hótelinu er glæsilegur veitingastaður. 

Húsið sem þau dvelja í er með sundlaug en það er hægt að skella sér beint í sjóinn af einkaveröndinni. Auk þess er líkamsræktaraðstaða á hótelinu sem hjónin hafa notið góðs af. 

Fyrir utan það að liggja í sólbaði á hótelinu er hægt að fara í spa, kafa með gullfalllegum fiskum og fara í brúðkaupsmyndatöku ásamt því að skella sér í fótbolta eða tennis.