Halla Jóns­dótt­ir er 32 ára tveggja barna móðir með Bs gráðu í sál­fræði. Hún er gift Hann­esi Þór Hall­dórs­syni mark­manni ís­lenska landsliðsins og eru þau bú­sett í Dan­mörku. Halla er orðin mjög spennt fyr­ir HM og ætl­ar ekki að láta sig vanta til Rúss­lands. 

Hvernig leggst HM i þig? 

„HM leggst mjög vel í mig, ég er bara mjög spennt og ánægð að það sé loks­ins komið að þessu. Við erum búin að stefna að og bíða eft­ir þessu lengi á okk­ar heim­ili. Ég held að þeim eigi bara eft­ir að ganga vel þeir hafa al­veg sýnt það und­an­farið að þeir eiga heima þarna og geta náð ótrú­leg­um úr­slit­um.“

Ferðu með til Rúss­lands?

„Já, ég ætla að fara með til Rúss­lands og fara alla­vega á leik­ina þrjá í riðlin­um. Snæ­dís vin­kona mín kem­ur með mér út og svo fer tengdapabbi líka á fyrsta leik­inn. Svo er ég svo hepp­inn að börn­in okk­ar eiga svo frá­bær­ar ömm­ur og afa að þau ætla að hugsa um þau heima á Íslandi meðan ég fer.“

Hvaða áhrif hef­ur HM á fjöl­skyldu­lífið?

„Þetta hef­ur auðvitað mik­il áhrif á fjöl­skyldu­lífið þegar Hann­es er í burtu svona lengi og það mæðir auðvitað aðeins meira á mér á meðan varðandi krakk­ana. En við erum orðin nokkuð sjóuð þegar kem­ur að ferðalög­um og aðskilnaði í ein­hvern tíma og rúll­um því bara upp. Ég  fæ líka mikla hjálp frá fjöl­skyld­unni þegar við erum á Íslandi. Svo erum við auðvita líka bara voða spennt og stolt af Hann­esi.“

Nærðu að halda ró þinni á leikj­um?

„Svona já og nei. Það hef­ur verið þannig á síðustu leikj­um og reynd­ar á EM líka að ég er með báða krakk­ana með mér og hef ekki haft tíma til að stressa mig en þegar öll at­hygl­in er á leikn­um. Ég tala nú ekki um svona stóra leiki þá verð ég mjög stressuð og það get­ur verið erfitt að tala við mig.“

Hvernig leggst sum­arið í þig?

„Sum­arið leggst bara rosa vel í mig þetta verður mikið flakk út um allt á okk­ur sem verður rosa gam­an. Svo verður æðis­legt að koma heim og hitta fjöl­skyld­una og vini í ís­lensku sumri sem verður von­andi komið.“