Gunn­ar Birg­is­son, íþróttaf­réttamaður á RÚV, von­ast til þess að kom­ast á skíði um pásk­ana en ferðinni er heitið norður í land. Hann seg­ir litlu fjöl­skyld­una sína geta valið úr mörg­um páska­boðum og þakk­ar hann dótt­ur sinni vin­sæld­irn­ar.

Hvað ætl­ar þú að gera um pásk­ana í ár?

„Ég og fjöl­skylda mín för­um lík­leg­ast norður í ár ef guð og lukk­an leyf­ir. Þá er komið við á Sauðár­króki og Sigluf­irði, og að sjálf­sögðu í Fljót­un­um. Þar verður lík­leg­ast farið eitt­hvað á skíði og notið sam­vista vina og ætt­ingja sem maður sér alltof sjald­an,“ seg­ir Gunn­ar.

Ertu með ein­hverj­ar hefðir um páska sem þú verður að halda í?

„Nei ég hef ekki verið með nein­ar hefðir þannig séð, en fyr­ir veiru­tíma­bilið var orðið fast­ur liður að taka þátt með ein­hverju móti á skíðagöngu­móti í Fljót­um á föstu­deg­in­um langa og er stefn­an sett á að end­ur­vekja það góða mót í ár þannig að nú biður maður bara til veðurguðanna að haga sér fram yfir páska og gefa okk­ur smá snjó.“

Hef­urðu upp­lifað páska­hefðir í öðru landi?

„Það hef­ur nú bara verið í Nor­egi og Svíþjóð og ekk­ert þar sem er frá­brugðið því sem ég hef gert hérna heima. Þess­ar þjóðir eru auðvitað ekki með páska­egg­in eins og við eig­um að venj­ast hér heima en Norðmenn til dæm­is elska marsíp­an og allt sem því teng­ist og á pásk­um og jól­um úða þeir í sig alls kon­ar marsíp­annammi. Einnig er tím­inn þar nýtt­ur til að kom­ast í fjöll­in og á skíði áður en snjór­inn hverf­ur og haldið er inn í sum­arið.“

Gunn­ar er gam­all skíðagöngukappi. mbl.is/​Eggert Jó­hann­es­son

Borðar þú mörg páska­egg?

„Nei, hef svona reynt að halda mig við eitt en það sem er eig­in­lega verst er að ég klára það yf­ir­leitt fyr­ir páska­dag. Smá bit­ar hingað og þangað vik­una fyr­ir páska gera mér svo sem eng­an greiða en þetta er auðvitað al­gjört grín hvað þetta er gott.“

Ertu öfl­ug­ur í eld­hús­inu um pásk­ana?

„Það fer eft­ir því hvort kær­ast­an mín á eft­ir að lesa þetta eða ekki. Ef ekki, þá er ég með þríréttað föstu­dag til sunnu­dags með allt frá humarsúp­um upp í hrein­dýra­steik­ur. Aft­ur á móti ef hún rekst á þetta þá sér hún um eld­húsið í flest­um til­vik­um og ger­ir með glæsi­brag, mér hef­ur þótt nauðsyn­legt að hafa lambahrygg eða lamba­læri á gamla mát­ann alla­vega einu sinni en er mjög op­inn fyr­ir nýj­ung­um.“

Hafa páska­hefðirn­ar breyst eft­ir að þú varðst pabbi?

„Já það verður ekki sagt annað, Anna Sól­ey dótt­ir mín, er mik­ill sæl­keri eins og pabbi henn­ar og hún er svona fyrst núna á þriðja ald­ursári að fatta svo­lítið um hvað þetta snýst og far­in að spyrja mig ansi oft út í súkkulaðipáska­egg­in sem standa und­an­tekn­ing­ar­laust fremst í búðum. Það er í raun bara tímaspurs­mál hvenær hún fer að sjá í gegn­um lyg­ar pabba síns. Nú fer maður að setja upp leit fyr­ir hana á sunnu­deg­in­um og verður gam­an að sjá hana kljást við vís­bend­ing­ar for­eldra sinna og eitt­hvað sem seg­ir mér að þol­in­mæðin verði ekki mik­il. Einnig hef­ur henn­ar til­koma gert það að verk­um að all­ir fjöl­skyldumeðlim­ir vilja fá okk­ur eða hana sem mest til sín yfir páska og því hef­ur páska­boðunum fjölgað til muna.“

Hef­urðu farið í eft­ir­minni­legt ferðalag um páska?

„Það eru þá helst bara þess­ar ferðir með fjöl­skyld­unni minni oft­ar en ekki til Nor­egs í æf­inga- og keppn­is­ferðir á yngri árum sem standa upp úr. Mikið skíðað, mikið spilað og mikið gam­an. Einnig þykir mér ofboðslega vænt um að kíkja heim á Sauðár­krók eða Siglu­fjörð og skipta um um­hverfi og heim­sækja ætt­ingja og vini.“

Tengd­ar frétt­ir

Pásk­ar

„Rosa­lega erfitt að vera í fýlu“

• „Mark­miðið að tak­marka eða bara sleppa al­veg skjánotk­un í frí­inu“
• Ætlar að klára skatta­skýrsl­una í páskafrí­inu
• „Á þess­um pásk­um er friður mér efst í huga“
• Mik­il­vægt að lesa eina glæpa­sögu um pásk­ana

» Fleiri tengd­ar frétt­ir