Hafdís Björg Kristjánsdóttir og Kristján Einar Sigurbjörnsson, Kleini, eru trúlofuð. Hafdís er einkaþjálfari og hann er áhrifavaldur sem nýlega stofnaði fyrirtæki sem sérhæfir sig í útleigu á litlum húsbílum.

Parið hefur verið áberandi síðan þau byrjuðu saman enda með líf sitt í beinni útsendingu á Instagram. Kristján Einar tilkynnti hinsvegar á dögunum að hann væri hættur á samfélagsmiðlum í bili því það væri svo mikið að gera hjá honum. Þessar beinu útsendingar væru tímafrekar og hann þyrfti að tíma til að ná markmiðum sínum. Koma sér á þann stað sem hann dreymir um og þá mætti nú alls ekkert trufla huga hans. Hann sagði að það tæki hann 2-3 klukkutíma á dag að sinna félagsmiðlinum og því væru næstu 6-12 mánuðir tileinkaðir harðri vinnu. 

Parið tilkynnt rétt í þessu að það væri trúlofað og hefði verið það frá 1. janúar. Ljósmynd/Facebook

Hafdís er hinsvegar ekki hætt á félagsmiðlum og parið hefur nú skráð sig trúlofað frá 1. janúar en Smartland greindi frá því í mars að þau væru saman. Þá voru þau búin að vera saman í viku. Stóra spurningin gæti verið hvort fólk geti trúlofast áður en það byrjar saman? Þegar stórt er spurt er fátt um svör! 

Frétt af mbl.is

Hafdís og Kristján Einar nýtt par

Tengdar fréttir

Brúðkaup

„Við vissum frá upphafi að við ættum vel saman“

• Fögnuðu brúðkaupsafmælinu með hálfu maraþoni í Köben
• Leynibrúðkaup Árna Odds og Kristrúnar
• Tvö ár af hjónabandssælu
• Björn Zoëga kvæntist ástinni á ítalskri eyju

» Fleiri tengdar fréttir

• Blogga um frétt