Tara Sif Birgisdóttir fasteignasali og dansari gekk að eiga eiginmann sinn, Elfar Elí Schweitz Jakobsson í annað sinn í gær. Hjónin giftu sig í Las Vegas í fyrra og tilkynntu þá að þau myndu halda alvöru veislu síðar. Hjónin stóðu aldeilis við það loforð því í gær héldu þau upp á ástina með glæsibrag.
Það var engin Las Vegas bragur í brúðkaupi Töru Sifjar og Elfars Elí. Ástin var í forgrunni og var ekkert til sparað til þess að gera daginn sem glæsilegastan. Brúðkaupið var haldið í Róm á Ítalíu og fór gifting sjálf fram utandyra. Faðir brúðarinnar leiddi dóttur sína inn altarið á meðan Bríet söng ástarlagið Can't Help Falling in Love sem Elvis Presley gerði arfavinsælt.
Á eftir var slegið upp veislu þar boðið var upp á ljúffengar veitingar og svo kom Jökull í Kaleo söng fyrir gestina.
Tara Sif klæddist hvítum síðum, þröngum kjól frá Loforð en sú verslun sérhæfir sig í fatnaði og fylgihlutum fyrir brúðkaup. Kjóllinn var hlýralaus með blúndum og slóða. Að sjálfsögðu var Tara Sif með slör sem hún festi ofarlega á höfuðið - ekki í hnakkann eins og sést svo oft í brúðkaupum.
Elfar Elí var í flöskugrænum jakkafötum sem eru hámóðins. Buxurnar voru stuttar og innanundir jakkanum klæddist hann tvíhnepptu vesti.
Smartland óskar Töru Sif og Elfari Elí til hamingju með brúðkaup númer tvö! Megi þau játast hvort öðru sem oftast!