Myndlistarmaðurinn Steingrímur Gauti Ingólfsson og Hjördís Gestsdóttir textíl- og fatahönnuður gengu í það heilaga við glæsilega athöfn á Kjarvalsstöðum síðastliðna helgi.
Steingrímur Gauti hefur verið áberandi í listaheiminum undanfarin ár og hafa verk hans notið mikilla vinsælda, en auk þess hefur hann verið virkur í sýningarhaldi. Hjördís stofnaði hönnunartvíeykið Studio miklo árið 2021 ásamt vinkonu sinni Helgu Björk Ottósdóttur og hafa verk þeirra vakið athygli.
Steingrímur Gauti og Hjördís giftu sig við afar fallega athöfn á Kjarvalsstöðum í blíðskaparverði síðastliðinn laugardag. Að athöfn lokinni var blásið til heljarinnar veislu þar sem stuðið var í forgrunni.
Smartland óskar þeim innilega til hamingju með ástina!