Fjöl­miðlamaður­inn Sölvi Tryggva­son, sem held­ur úti hlaðvarp­inu Podcast með Sölva Tryggva hef­ur setið við skrift­ir síðustu mánuði. Á miðviku­dag­inn kem­ur bók­in Skugg­ar út en hún seg­ir frá ör­laga­ríkukm tím­um í lífi Sölva.

Frétt af mbl.is

Sölvi Tryggva seg­ist sak­laus

„Ósönn slúður­saga, þar sem hann var rang­lega bendlaður við sví­v­irðileg­an glæp, fór á flug á sam­fé­lags­miðlum og fjöl­miðlar hentu hana á lofti. Við tók hvirfil­byl­ur sam­fé­lagsum­ræðunn­ar sem jókst enn með til­kynn­ingu um að kon­ur hefðu kært Sölva til lög­reglu. Á einni viku fór hann frá hápunkti fer­ils síns yfir í að missa mann­orð sitt og lífsviður­væri. Fallið var hátt, Sölva var út­skúfað úr sam­fé­lag­inu og lagði á flótta út í lönd.

Það ferðalag var ekki síður inn á við þar sem hann reyndi að skilja hvað hefði gerst og brá um leið ljósi á sína dýpstu skugga, myrk­ur og áföll. Ann­ar maður hef­ur nú verið dæmd­ur fyr­ir þann glæp sem Sölvi var bendlaður við og lög­regla hef­ur vísað frá öll­um kær­um á hend­ur hon­um. En var það hel­ber til­vilj­un að ein­mitt nafn Sölva skildi flétt­ast inn í þessa harka­legu at­b­urðarás, eða höfðu stór­ir brest­ir sem hann burðaðist með komið í bakið á hon­um? Sölvi leiðir les­and­ann með sér í þetta af­drifa­ríka ferðalag þar sem hann snýr öll­um stein­um við til að reyna að skilja hvernig þetta allt gat gerst, velt­ir sam­fé­lagsum­ræðunni fyr­ir sér og þætti fjöl­miðla.Skugg­ar er upp­gjör Sölva við sjálf­an sig og sam­fé­lagið allt,“ seg­ir á vef bóka­út­gáf­unn­ar Sög­ur Útgáfa.

Tengd­ar frétt­ir

Podcast með Sölva Tryggva

„Maður verður auðvelt skot­mark, sér­stak­lega þegar maður er orðinn prófíll ein­hvers staðar“

• Fékk fruns­ur og leið illa af því að skrifa frétt­ir á Vísi
• Dóri DNA tapaði fullt af pen­ing­um og tekst á við sjálf­an sig
• Íslands­meist­ari í sín­um þyngd­ar­flokki
• „Datt næst­um niður dauður fyr­ir 2 árum, en á 40 góð ár eft­ir“

» Fleiri tengd­ar frétt­ir

• Blogga um frétt