Bergrún Íris Sæv­ars­dótt­ir rit­höf­und­ur og mynd­höf­und­ur fagn­ar því í dag að vera búin að lifa án áfeng­is í eitt ár. Hún seg­ir að margt hafi breyst við það að hætta að drekka. Hún seg­ir að stærsti sig­ur lífs­ins hafi verið að hætta að drekka og er hún þá að vísa í virt bók­mennta­verðlaun sem hún hef­ur hlotið í gegn­um tíðina. 

Frétt af mbl.is

„Það var eins og ég væri með van­stillt út­varp inni í mér“

„Ég er eins árs í dag! Að baki er heilt ár af því að upp­lifa lífið án deyf­ing­ar. Tólf mánuðir þar sem ég leyfði mér að fara alla leið niður en fékk líka að kom­ast alla leið upp. Það er ekki auðvelt að fara í fyrsta sinn í gegn­um til­finn­ing­ar án þess að styðjast við hækju í vökv­a­formi,“ seg­ir Bergrún Íris í færslu á fé­lags­miðlin­um Face­book.

Við það að hætta að drekka urðu marg­ar breyt­ing­ar á lífi henn­ar.

„Ég tíndi upp úr öll­um skúff­um minn­ing­ar og áföll, sort­eraði og fór í gegn­um það sem ég hef burðast með, valdi hverju skyldi halda og hverju sleppa tak­inu af. Ég hef unnið alls kyns verðlaun í gegn­um árin en það að hætta að drekka og lifa í bata er stærsti sig­ur­inn og það sem ég er hvað stolt­ust af. Verk­efn­inu er ekki lokið, ég tekst á við einn dag í einu og þigg þá hjálp sem er í boði. Alka­hólismi er miklu flókn­ari sjúk­dóm­ur en svo að kona leggi bara frá sér glasið, en það er ómet­an­legt að vita að eng­inn þarf að standa í þessu einn með sjálf­um sér.“

Hún seg­ir að edrúsam­fé­lagið sé stórt og fullt af stuðningi, kær­leik og visku. 

„Ef ein­hver er for­vit­in/​nn/ð ​og vill byrja að kynna sér áfeng­is­laus­an lífs­stíl þá eru til alls kyns góðar bæk­ur og hlaðvörp, öpp og fleira, en fyr­ir mig virkaði best að tala við fólk sem hef­ur upp­lifað það sama og ég. Þannig gat ég tekið fyrsta skrefið, og svo það næsta og þarnæsta. Ferðalagið snýst minnst um áfengi, og mest um djúpa sjálfs­vinnu og það að læra að elska sjálfa mig, alls­gáð, með öll­um mín­um eig­in­leik­um. Skref­in hafa ekki alltaf verið auðveld, en þau eru stór og í rétta átt.“

Frétt af mbl.is

Kol­brún og Bergrún kynnt­ust í gegn­um vinn­una

Tengd­ar frétt­ir

Edrú­land

Björn Ingi án áfeng­is í sex ár

• „Hann er bara besta dæmið um þetta“
• „Þetta mætti vera skil­virk­ara“
• Ekki endi­lega spurt um heiðarleika
• „Þá var al­veg upp­lagt að nota stera“

» Fleiri tengd­ar frétt­ir

• Blogga um frétt