Líf Auðar Ínu Björns­dótt­ur breytt­ist á einni nóttu þegar móðir henn­ar, Halla Tóm­as­dótt­ir, var kos­in sjö­undi for­seti Íslands á laug­ar­dag­inn var. Ína, eins og hún er kölluð, stund­ar sál­fræðinám í Banda­ríkj­un­um.

Hún ætlaði að verða sjúkraþjálf­ari eða kírópraktor en eft­ir að kór­ónu­veirufar­ald­ur­inn skall á ákvað hún að læra sál­fræði til þess að geta lagt sitt lóð á vog­ar­skál­arn­ar til að hjálpa ungu fólki.

Hvernig var að vakna upp á sunnu­dag­inn sem for­seta­dótt­ir?

„Til­finn­ing­in er rosa góð. Ég er ekki al­veg búin að meðtaka þetta. Maður var svo­lítið svefn­laus og í adrenalínkasti í gær. Núna er ég búin að sofa nóg og fá að borða og svona. Þetta leggst mjög vel í mig. Við erum svo stolt af mömmu,“ seg­ir Ína í sam­tali við Smart­land.

Ína kom heim til Íslands í lok apríl til þess að vinna við kosn­inga­bar­áttu móður sinn­ar en vinn­an gekk út á að ná til ungs fólks og fá það á kjörstað. Einn hluti vinn­unn­ar var að búa til efni fyr­ir fé­lags­miðla eins og Inta­gram og TikT­ok. Ar­ent Orri Claessen ný­kjör­inn formaður Stúd­entaráðs Íslands stýrði kosn­inga­skrif­stofu unga fólks­ins en Halla var með sér kosn­inga­skrif­stofu til að mæta þörf­um þess ald­urs­hóps.

Frétt af mbl.is

Hvaðan komu sig­ur­föt Höllu?

Nátt­úru­legt, fyndið og skemmti­legt

„Við vor­um með sam­fé­lags­miðlat­eymi sem var á aldr­in­um 18-30 ára,“ seg­ir Ína.

Þarf aðra nálg­un til að ná í ungt fólk en það sem eldra er?

„Já, 100%,“ seg­ir hún. Ína seg­ir frá því að hóp­ur­inn hafi skoðað hvað væri á trenda og gætti þess að mæta mark­hópn­um þar sem hann var stadd­ur.

„Við vor­um dug­leg að hitt­ast og fara yfir hlut­ina. Ég var alltaf að hugsa: Hvernig get­ur maður notað þetta í okk­ar sam­hengi? Hvernig get­ur maður búið til nýtt mynd­band? Við tók­um upp mikið af efni en notuðum það ekki allt,“ seg­ir hún.

Voruð þið með fín­ar mynda­vél­ar í þetta eða tókuð þið upp á síma?

„Þetta var allt tekið á síma fyr­ir TikT­ok. Svo vor­um við líka að nota efni inni á milli þar sem mamma var að tala um stefn­ur og svona. Við vild­um hafa efnið nátt­úru­legt, fyndið og skemmti­legt. Okk­ar mark­mið var að gera kosn­ing­ar að skemmti­leg­um hlut. Ungt fólk er ekki alltaf of dug­legt að mæta á kjörstað og vild­um hvetja þau á þann hátt sem þeim finnst skemmti­leg­ast,“ seg­ir hún.

Mæðgurn­ar í faðmlög­um á kosn­inga­vök­unni. mbl.is/​Krist­inn Magnús­son

Vill hjálpa ungu fólki

Ína legg­ur nú stund á sál­fræðinám í Macaulay Hon­ors Col­l­e­ge í Hun­ter-há­skóla. 

„Fyrstu mánuðina var ég að vinna bak við tjöld­in en kom til Íslands í lok apríl og hef verið í fullu starfi síðan þá. Ég náði að klára skól­ann úti,“ seg­ir Ína sem er á þriðja ári og á eitt ár eft­ir.

Hvers vegna ákvaðstu að læra sál­fræði?

„Mig hef­ur alltaf langað að hjálpa fólki og ætlaði að fara í sjúkraþjálf­ar­ann eða kírópraktor­inn. En svo tók ég eft­ir því að ungu fólki er ekki að líða nógu vel í tengsl­um við kór­ónu­veiruna. Það þarf að hjálpa ungu fólki. And­leg líðan á að vera sett fremst á dag­skrá,“ seg­ir hún.

Frétt af mbl.is

Jón Gn­arr lét raka af sér hárið eft­ir kosn­inga­bar­átt­una

Halla Tóm­as­dótt­ir ásamt Tóm­asi Bjarti og Auði Ínu. mbl.is/​Krist­inn Magnús­son

Alltaf já­kvæð – líka í brekku

Ína er bjart­sýn að eðlis­fari og seg­ir að kosn­inga­bar­átt­an hafi tekið á og ját­ar að þetta hafi verið erfitt á köfl­um. 

„Ég hef alltaf verið mjög bjart­sýn. Mamma talaði um þetta sem brekku og þetta var erfitt um tíma. Við höf­um alltaf horft á þessa bar­áttu á já­kvæðan hátt. Við vild­um vera sig­ur­veg­ar­ar hvernig sem þetta færi,“ seg­ir Ína sem var 12 ára árið 2016 þegar móðir henn­ar bauð sig fram fyrst.

„Það er gam­an að fá að taka þátt í þessu aft­ur þegar maður er orðinn eldri. Ég hef lært svo mikið af þessu. Þetta er svo mik­il reynsla. Manni er hent út í erfið verk­efni sem maður lær­ir mikið af. Ég er þakk­lát fyr­ir þessa reynslu,“ seg­ir hún. Er þetta sem sagt eitt­hvað sem ekki er hægt að læra í há­skóla?

„Já, 100%.“

Hvernig þá helst?

„Það er mik­il reynsla að fá að tala við allt fólkið og heyra þeirra sjón­ar­mið. Hvað það vill. Maður lær­ir mikið um ís­lenskt sam­fé­lag og líka hvernig höndl­ar maður sjálf­an sig? Ég hef þurft að fara í þónokk­ur viðtöl og er ekki mjög hrif­in af því. En maður vex sem mann­eskja þegar maður ger­ir eitt­hvað slíkt. Svo er þetta svo ótrú­lega skemmti­legt að hitta allt þetta fólk ég hef kynnst svo mikið af fólki sem verða ævi­lang­ir vin­ir,“ seg­ir hún.

Frétt af mbl.is

Til­finn­ingaþrungið kosn­inga­teiti Höllu T.

Fékk áhuga á förðun á unglings­ár­um

Á TikT­ok kom fram að Ína hefði farðað móður sína í kosn­inga­bar­átt­unni. Þegar hún er spurð út í þetta er hún hóg­vær.

„Harpa Kára­dótt­ir þarf að fá kred­it,“ seg­ir Ína og á þá við förðun­ar­meist­ar­ann sem rek­ur Makeup Studio Hörpu Kára.

„Hún er búin að vera stór­kost­leg í gegn­um þetta. Ég er ekki lærð í þessu en ég fékk áhuga á förðun þegar ég var 15 eða 16 ára. Ég æfði mig á sjálfri mér og prófaði hvað virkaði fyr­ir mig og hvað mér fannst skemmti­leg­ast að gera. Svo fór ég að mála mömmu fyr­ir af­mæli og veisl­ur. Ég hef verið að leysa Hörpu Kára af þegar mamma vill vera sæt,“ seg­ir hún og bros­ir.

Þú varst glæsi­lega förðuð á kosn­inga­dag­inn. Farðaði Harpa Kára­dótt­ir þig?

„Nei, ég mála mig alltaf sjálf. Ég hef alltaf verið með NYX litap­all­ettu eða síðan ég var í sjö­unda bekk. Ég hef keypt sömu lit­ina aft­ur og aft­ur. Mér finnst mik­il­væg­ast í förðun að læra á and­litið sem maður er að mála,“ seg­ir hún.

Hvað tek­ur við hjá þér núna?

„Ég er að fara að vinna hjá Distica í sum­ar og mun byrja á morg­un. Þar verð ég að vinna á skrif­stof­unni, taka pant­an­ir og svara sím­töl­um.“

Frétt af mbl.is

Mun kvef Höllu T. setja svip sinn á sum­ar­tísk­una?

Tengd­ar frétt­ir

For­seta­kosn­ing­ar 2024

Eyddi 65 þúsund krón­um fyr­ir hvert at­kvæði

• Hátt í átta millj­ón­ir komu úr vasa Ástþórs
• Fram­boð Katrín­ar kostaði 57 millj­ón­ir
• Kosn­inga­bar­átta Höllu kostaði 26 millj­ón­ir
• Fram­bjóðend­um gert að skila upp­gjöri

» Fleiri tengd­ar frétt­ir

• Blogga um frétt