Útvarpsstjarnan og áhrifavaldurinn, Gústi B., er kominn á fast. Hann birti mynd af sér og Hafdísi Sól Björnsdóttur, sem er nemi í rekstrarverkfræði í Háskólanum í Reykjavík, á Instagram. Parið kynntist í gegnum sameiginlega vini. Gústi B. sagði í samtali við Smartland að ástin hafi kviknað í maí. 

Aðspurður að því hvernig þau Hafdís Sól hafi kynnst segir hann að sameiginlegir vinir hafi leitt þau saman. Gústi B. vinnur náið með Patrik Snæ Atlasyni tónlistarmanni, Prettyboitjokkó, og sér um ýmis skipulagsmál fyrir hann og svo mætir hann með honum á gigg. 

„Heyrðu já, við Hafdís kynntumst í gegnum umbjóðanda minn, Patrik. Kærasta hans, Friðþóra, og Hafdís hafa nefnilega verið bestu vinkonur í mörg ár. Þær eru búnar að vera saman í skóla í fjölda ári og mér skilst að þetta hafi verið allt úthugsað hjá þeim að láta okkur Hafdísi byrja saman. Ég kann að meta þrautseigjuna og tek því fagnandi - elska gott plott,“ segir Gústi B helsáttur með hina nýfundnu ást. 

Smartland óskar parinu til hamingju með ástina! 

Gústi B. og Hafdís Sól kynntust í gegnum sameiginlega vini. Ljósmynd/Aðsend

Tengdar fréttir

Ný pör

Laufey frumsýndi kærastann á Instagram

• Nýjasta ofurpar Íslands opinberar ástina
• Kristófer Acox frumsýndi kærustuna
• Rakel María frumsýndi nýja kærastann
• Reynir og Margrét Ýr eru nýtt par

» Fleiri tengdar fréttir

• Blogga um frétt