Í nýjasta þætti Lífið á biðlista talar Gunnar Ingi Valgeirsson við foreldra 19 ára drengs sem er í neyslu. Saga drengsins er átakanleg en hann hefur búið á götunni í nokkur ár og glímir við fjölþættan vanda. Þau segja að hann passi ekki inn í kerfin sem eiga að hjálpa honum og segja að honum sé refsað og hent út þar sem hann dvelur mánuðum saman. Faðir drengsins vonast til að sonur hans lifi sumarið af.
„Þegar ég tala við hann þá veit ég aldrei hvort ég sé að fara að tala við hann aftur,“ segir faðir í viðtalinu.