Millie Bobby Brown næstum óþekkjanleg

Millie Bobby Brown er næstum óþekkjanleg þessa dagana en hún hefur verið að vinna með mun „eldra“ útlit en venjulega. Hin 21 árs leikkona skartar núna ljósum lokkum og þyngri andlitsfarða. Þetta nýja útlit hefur vakið mikla athygli og mörgum finnst hún vera að elda sig óþarflega mikið.

Brown er gift syni Jon Bon Jovi en þau hafa verið saman í nokkur ár. Í viðtölum hefur Brown lýst því að þau hefðu passað sig á að ganga úr skugga um að þau ættu vel saman áður en þau festu ráð sitt. 

„Við vorum mjög samstiga í þessu. Við ræddum skoðanir okkar á pólitík, hvernig fjölskyldu við vildum og hvernig heimili við vildum búa í. Þá ígrunduðum við einnig vel hvers konar samband við vildum eiga með hvort öðru sem og framavonir okkar beggja,“ sagði Brown í viðtali við Vanity Fair.

„Þetta er svo mikilvæg ákvörðun. Við vildum vera alveg viss um að við værum að gera rétt. Ég vissi samt alltaf að hann væri sá rétti.“