Leikkonan Mikey Madison hlaut Óskarsverðlaun fyrir leik sinn í kvikmyndinni Anora á dögunum. Á rauða dreglinum klæddist hún kjól frá franska tískuhúsinu Dior og var með látlausa en klassíska förðun. Mikil áhersla var lögð á náttúrulega húð en íslenska snyrtivörumerkið Blue Lagoon Skincare kom þar við sögu.

Notaðar voru vörur frá Blue Lagoon Skincare. Förðunarfræðingur Madison, Melissa Hernandez, leggur iðulega áherslu á húðina þegar hún farðar stjörnurnar.

„Ég nota Blue Lagoon Skincare af því að vörurnar veita húðinni raka ásamt því að róa húðina og halda henni í jafnvægi sem er akkúrat það sem þarf fyrir svona stórt kvöld,“ segir Hernandez í fréttatilkynningu.

Snyrtivörurnar sem hún notaði voru Mineral Mask-rakamaskinn, BL+ The Serum, BL+ The Cream, BL+ Eye Serum á augun og Algae Bioactive Concentrate-andlitsolían.