Katrín Sig­ríður Júlíu Stein­gríms­dótt­ir, sem er oft­ast kölluð Kata, barna­sál­fræðing­ur og varaþingmaður Viðreisn­ar, og Þórgnýr Al­berts­son upp­lýs­inga­full­trúi ÖBÍ gengu í hjóna­band í Dóm­kirkj­unni 8. júní í fyrra. Þau voru búin að vera sam­an í tæp­lega ára­tug en ör­laga­rík ferð á KFC leiddi þau sam­an þegar þau voru bæði í námi við Mennta­skól­ann við Hamra­hlíð.

Kata og Þórgnýr kynnt­ust í Mennta­skól­an­um við Hamra­hlíð. Hún skráði sig í MH því hún vildi ólm kom­ast í ræðuliðið en þar réð Þórgnýr ríkj­um. Þau komust fljótt að því að þau áttu ým­is­legt sam­eig­in­legt fyr­ir utan ræðumennsku því þau voru bæði for­falln­ir aðdá­end­ur Hringa­drótt­ins­sögu og höfðu legið í þeim bók­mennt­um frá því þau voru krakk­ar.

„Þórgnýr var í mál­funda­fé­lag­inu, hafði keppt í Gettu bet­ur árið áður, og var að leita að fólki til að vera með í fé­lag­inu. Ég hafði sótt um í MH á eig­in­lega ein­um for­send­um, að kom­ast í mál­funda­fé­lagið og MORFÍs-liðið. Við kynnt­umst því í inn­töku­viðtali fyr­ir ráðið, urðum góðir vin­ir og byrjuðum svo sam­an í jóla­frí­inu sama árið. Eins og ég segi þá vor­um við vin­ir og ætluðum að fara sem slík­ir að fá okk­ur KFC í jóla­frí­inu en það breytt­ist óvænt í deit og þá varð ekki aft­ur snúið,“ seg­ir hún og hlær.

Kata og Þórgnýr trú­lofuðu sig 2023 og hófu strax brúðkaups­skipu­lagn­ingu.

„Ég var búin að gera það al­veg skýrt fyr­ir Þórgný að ég vildi ekki margra ára langa trú­lof­un,“ seg­ir Kata, aðspurð hvers vegna þau ákváðu að gifta sig á þess­um tíma­punkti.

„Þegar við trú­lofuðumst höfðum við búið sam­an í nokk­ur ár og átt­um tvo ketti, sem við eig­um enn, þannig að það var tími til kom­inn,“ seg­ir hún.

Hvernig var bón­orðið?

„Þórgnýr bar upp bón­orðið á af­mæl­is­dag­inn sinn, 8. fe­brú­ar 2023, á stofugólf­inu heima. Við vor­um á leiðinni að hitta fjöl­skyld­una hans í af­mælis­kvöld­verð og hann þótt­ist ætla að hjálpa mér að festa á mig skóna þannig að mig grunaði ekk­ert sér­stakt þegar hann fór allt í einu niður á hné. Það tók mig smá­tíma að átta mig á því hvað væri að ger­ast þannig að fyrsta svarið mitt við stóru spurn­ing­unni var: „Ertu að djóka?““

Þórgnýr Al­berts­son og Katrín Sig­ríður Júlíu Stein­gríms­dótt­ir gift­ust í júní í fyrra eft­ir að hafa verið kær­ustupar síðan í Mennta­skól­an­um við Hamra­hlíð. Ljós­mynd­ir/​Thelma Gunn­ars­dótt­ir, thelmag­unn.is

Vildu búa til ákveðna stemn­ingu

Voruð þið sam­mála um hvernig þið vilduð hafa gift­ing­una, veisl­una og allt þetta helsta?

„Í fyrstu vor­um við ekki al­farið sam­mála um stóru mynd­ina, til dæm­is varðandi staðsetn­ingu, en við rædd­um okk­ur alltaf niður á sam­eig­in­lega niður­stöðu. Það fór þá oft eft­ir því hvort okk­ar var með sterk­ari skoðun í hverju til­felli. Það þurfti til dæm­is að fá Þórgný til að samþykkja að ráða mann­eskju til að aðstoða við skipu­lag og hönn­un á deg­in­um en það er ákvörðun sem við vor­um síðan bæði rosa­lega ánægð með. Við vor­um með ákveðna sam­eig­in­lega sýn á veisl­una. Það er að segja hönn­un, út­lit og stemn­ingu, og ég var ekki sann­færð um að það væri mögu­legt á höfuðborg­ar­svæðinu en Þórgnýr vildi ekki halda veisl­una úti á landi. Ég áttaði mig þá fljót­lega á því að það þyrfti ekki að vera úti á landi til þess að fanga þessa stemn­ingu, sér­stak­lega af því að við réðum hönnuð fyr­ir dag­inn sjálf­an,“ seg­ir hún en veisl­an var hald­in í sal Ferðafé­lags Íslands í Mörk­inni þar sem 150 gest­ir fögnuðu ást­inni með þeim.

Hjón­in völdu einn af fáum sól­ar­dög­um síðasta sum­ar til þess að ganga í hjóna­band. Ljós­mynd/​Ljós­mynd­ir/​Thelma Gunn­ars­dótt­ir, thelmag­unn.is

Hvernig skipu­lögðuð þið brúðkaupið?

„Við byrjuðum strax í sam­ein­ingu að leggja gróf­ar lín­ur. Við sett­um upp kostnaðaráætl­un og skoðuðum sali og kirkju og skrifuðum niður grófa tíma­línu um hvenær hitt og þetta þyrfti að gera. Síðan unn­um við eft­ir plan­inu fram að hausti en þá sett­um við okk­ur í sam­band við Al­inu hjá Og smá­atriðunum og óskuðum eft­ir henn­ar aðstoð við hönn­un, skreyt­ing­ar, skipu­lag og fram­kvæmd. Við höfðum sjálf um­sjón með ýmsu, til dæm­is að bóka mat, en okk­ur þótti mjög gott að leita til henn­ar þegar við vor­um í óvissu. Hún sá svo um að hanna skreyt­ing­ar og stemn­ing­una í veislu­saln­um í góðri sam­vinnu við okk­ur. Svo var hún okk­ur inn­an hand­ar fram að stóra deg­in­um og á dag­inn sjálf­an. Fyr­ir það erum við óend­an­lega þakk­lát,“ seg­ir Kata.

„Við gift­um okk­ur í Dóm­kirkj­unni í Reykja­vík, aðallega af því að okk­ur finnst hún svo fal­leg. Við feng­um sr. Ásu Lauf­eyju Sæ­munds­dótt­ur til að gefa okk­ur sam­an. Hún er sókn­ar­prest­ur í Há­teigs­kirkju en Kata hafði kynnst henni þegar hún var í æsku­lýðsstarfi í Nes­kirkju í Vest­ur­bæn­um. Kötu þótti mik­il­vægt að prest­ur­inn væri ein­hver sem annað hvort okk­ar þekkti vel og gæti þar af leiðandi treyst fyr­ir þessu mik­il­væga hlut­verki,“ seg­ir Þórgnýr.

Ljós­mynd/​Ljós­mynd­ir/​Thelma Gunn­ars­dótt­ir, thelmag­unn.is

Mikið lagt í skreyt­ing­ar

Þótt Al­ina hjá Og smá­atriðunum hafi haft yf­ir­um­sjón með skipu­lagn­ingu á brúðkaup­inu þá komu ætt­ingj­ar og vin­ir sterk­ir inn.

„Vin­ir okk­ar komu til okk­ar í fönd­ur­kvöld, mamma Þórgnýs og amma bökuðu á fullu fyr­ir veisl­una og svo mætti lengi, lengi áfram telja. Það var dýr­mætt að sjá hvað fólk var til­búið að hjálpa og spennt fyr­ir því að taka þátt,“ seg­ir Kata.

Var ekki erfitt að gera gestal­ista?

„Það var auðvitað tölu­vert púslu­spil að setja sam­an gestal­ista. Við reynd­um að teygja okk­ur eins langt og við mögu­lega gát­um hvað varðar stærð til að geta boðið sem allra flest­um. Þetta voru nokk­ur löng kvöld sem við sát­um sam­an að skrifa niður gestal­ist­ann en við erum mjög sátt með hvernig það gekk og þakk­lát öll­um þeim sem fögnuðu deg­in­um með okk­ur,“ seg­ir Kata.

Þórgnýr og Katrín skáluðu tvö ein áður en gest­irn­ir komu í sal­inn. Ljós­mynd/​Ljós­mynd­ir/​Thelma Gunn­ars­dótt­ir, thelmag­unn.is

Fengu hörðustu kjötæt­ur til að borða veg­an-mat

Þegar gesti bar að garði í sal Ferðafé­lags Íslands var boðið upp á osta, ávexti og freyðivín. Og líka bakk­elsi sem mamma og amma Þórgnýs bökuðu. Kata og Þórgnýr eru bæði veg­an og því vildu þau hafa veislu í sín­um anda.

„Mamma hans og syst­ir sáu svo ein­mitt líka um að baka brúðart­ert­una. Svo réðum við Nomy til að sjá um for­rétt og aðal­rétt. Allt í veisl­unni var veg­an en við fór­um til Nomy í aðdrag­and­an­um til að smakka til svo við gæt­um tryggt að örg­ustu kjötæt­ur yrðu sátt­ar við mat­inn. Það reynd­ist al­veg rétt þegar upp var staðið,“ seg­ir hún.

Kata og Þórgnýr eru for­falln­ir aðdá­end­ur Hringa­drótt­ins­sögu og því var ekki úr vegi að hafa slíkt þema.

„Við höfðum til dæm­is bæði lesið svo gott sem hvern staf­krók sem Tolkien skrifaði og horf­um enn ár­lega á bíó­mynd­irn­ar. Það má segja að sam­eig­in­leg­ur áhugi á því sé eitt af því sem leiddi okk­ur sam­an á sín­um tíma. Við vor­um strax í upp­hafi sam­mála um að við vild­um að veisl­an yrði inn­blás­in af þess­um sögu­heimi, án þess þó að verða eins og eitt­hvert ösku­dagspartí. Upp­lif­un­in fyr­ir gest­ina átti frek­ar að vera eins og þau væru stödd í góðu hobbitapar­tíi. Við sönkuðum að okk­ur alls kon­ar hug­mynd­um og inn­blæstri og Al­ina hjá Og smá­atriðunum sá svo um út­færsl­una. Það voru alls kon­ar sniðugar út­færsl­ur á þem­anu. Við vor­um með græn­ar plönt­ur úti um allt, allt bréfs­efni var inn­blásið af sögu­heim­in­um, ofboðslegt magn kerta, við tínd­um lúpín­ur sem héngu í loft­inu og við vor­um með skilti með beinni vís­un í sög­una til að bjóða fólk vel­komið,“ seg­ir Kata.

Þórgnýr klædd­ist sérsaumuðum jakka­föt­um. Ljós­mynd/​Ljós­mynd­ir/​Thelma Gunn­ars­dótt­ir, thelmag­unn.is

Bæði í sérsaumuðu

Kata og Þórgnýr voru vel búin á gift­ing­ar­dag­inn sinn. Hann klædd­ist sérsaumuðum jakka­föt­um frá Suit og hún í sérsaumuðum kjól frá Eyrúnu Birnu hjá Bloom.

„Jakka­föt­in hans Þórgnýs voru sérsaumuð, græn hörjakka­föt úr Suitup. Hann og pabbi hans fóru sam­an þangað og keyptu sér báðir mjög fal­leg jakka­föt, skyrt­ur og bindi. Dag­setn­ing­in var bæði saumuð inn á jakk­ann og í krag­ann á skyrt­unni. Kjól­inn saumaði Eyrún Birna hjá Bloom en ég var löngu búin að ákveða að ég vildi fá kjól eft­ir hana því mér þykja þeir ofboðslega fal­leg­ir. Kjóll­inn er akkúrat í stíln­um sem ég hafði séð fyr­ir mér. Hann hefði getað verið saumaður úr blúndudúkn­um henn­ar ömmu en er fal­leg­ur og tíma­laus. Ég paraði kjól­inn síðan við slör sem ég keypti á net­inu sem líkt­ist meira skikkju til að tóna enn meira við fant­as­íuþemað,“ seg­ir Kata.

Brúðurin var með sterk­ar skoðanir á því hvernig hún vildi klæðast þegar hún gift­ist Þórgný. Ljós­mynd/​Ljós­mynd­ir/​Thelma Gunn­ars­dótt­ir, thelmag­unn.is

Hvað um hár og förðun?

„Auður Pálma­dótt­ir, vin­kona mín, er förðun­ar­fræðing­ur og ég fékk hana til að farða mig. Við gerðum eina prufu­förðun og svo kom hún til mín eldsnemma um morg­un­inn á dag­inn sjálf­an. Hárið gerði ég svo sjálf með aðstoð henn­ar og annarra vin­kvenna minna. Mér þótti mjög vænt um að tvær vin­kon­ur mín­ar gistu hjá mér kvöldið áður. Við vöknuðum sam­an, feng­um okk­ur morg­un­mat og gerðum okk­ur til sam­an fyr­ir dag­inn með kött­un­um mín­um, mímósu og góðri tónlist. Það var al­gjör snilld. Punkt­ur­inn yfir i-ið var svo þegar Al­ina frá Og smá­atriðum kom með blómakr­ans fyr­ir hárið mitt frá Fjór­um árstíðum, sem sáu einnig um brúðar­vönd­inn minn.“

Laumuðust óséð inn í sal­inn

Hvað stend­ur upp úr frá deg­in­um?

„Dag­ur­inn all­ur var al­veg stór­kost­leg­ur og það er erfitt að nefna eitt­hvað eitt sem stend­ur upp úr. Við gæt­um nefnt all­ar ræðurn­ar sem vin­ir og fjöl­skylda fluttu, sam­ver­una, fyrsta dans­inn eða fjöl­margt annað. En ef við eig­um að nefna eitt­hvað eitt þá var það þegar við laumuðumst bak­dyra­meg­in inn í sal­inn á meðan all­ir gest­irn­ir voru uppi í for­drykk. Þannig feng­um við að sjá sal­inn fullskreytt­an í góðu tómi, fá okk­ur freyðivínglas sam­an og sitja tvö ein í smá­stund, nýgift, áður en allt fjörið byrjaði. Það var dýr­mæt stund, sem var al­gjört leynd­ar­mál þangað til núna,“ seg­ir Kata.

Hvers vegna skipt­ir máli að vera í hjóna­bandi?

„Okk­ur finnst mjög mik­il merk­ing fólg­in í því að hrópa það fyr­ir eyr­um allra ást­vina okk­ar að við ætl­um að vera sam­an að ei­lífu. Að við skuld­bind­um okk­ur til þess að standa sam­an, hvað sem dyn­ur á,“ seg­ir hún.

Hvað gerið þið til að rækta ást­ina?

„Við leggj­um áherslu á að styðja hvort við bakið á öðru og það skipt­ir miklu máli að halda áfram að prófa eitt­hvað nýtt sam­an og fara á stefnu­mót. Okk­ur finnst til dæm­is gam­an að prófa nýja veit­ingastaði eða drekka vín og spila sam­an heima. Við eig­um svo ýmis sam­eig­in­leg áhuga­mál sem við reyn­um þá að iðka í sam­ein­ingu, ekki bara hvort í sínu horni.“

Fenguð þið ein­hver góð ráð varðandi hjóna­bandið sem þið hafið farið eft­ir?

„Okk­ur var sagt að það væri ákaf­lega dýr­mætt og mik­il­vægt að bera alltaf virðingu hvort fyr­ir öðru og við leggj­um okk­ur fram við að fara eft­ir þeirri reglu,“ seg­ir hún.

Tengd­ar frétt­ir

Brúðkaup

Banda­rísk­ur áhrifa­vald­ur hélt ís­lenskt brúðkaup

• Sverr­ir Ingi og Hrefna giftu sig í Grikklandi
• Kári og Hjör­dís giftu sig í Casca­is
• Gift­ust í óveðri á Ísaf­irði í júlí
• Gríma gæsuð í Madrid

» Fleiri tengd­ar frétt­ir