Veit­ingastaður­inn Kast­rup opnaði aft­ur í gær eft­ir margra vikna glímu við yf­ir­völd og fjöl­menntu fastak­únn­ar og stjörn­ur á veit­ingastaðinn vin­sæla. Viðskipta­hjón­in Jón Ásgeir Jó­hann­es­son og Ingi­björg Stef­an­ía Pálma­dótt­ir voru á meðal gesta en hún er eig­andi staðar­ins í dag. Lilja Líf Pálm­ars­dótt­ir og Sig­ríður Vava Björns­dótt­ir reka staðinn fyr­ir hönd Ingi­bjarg­ar Stef­an­íu.

Þar voru líka hjón­in Jakob Frí­mann Magnús­son tón­list­armaður og Birna Rún Gísla­dótt­ir, Áslaug Magnús­dótt­ir viðskipta­kona og maður henn­ar Sacha Tu­eni sem er aust­ur­rísk­ur frum­kvöðull. Á staðnum var líka Áslaug Arna Sig­ur­björns­dótt­ir fyrr­ver­andi ráðherra en hún komst í frétt­ir í vet­ur þegar hún bjargaði manns­lífi á staðnum þegar hún beitti Hemlich-aðferðinni. Þar var líka Ólöf Skafta­dótt­ir Komið gott-stjarna, listamaður­inn Korkimon, Guðrún Niel­sen fram­kvæmda­stjóri Pekron, Anna Fríða Gísla­dótt­ir súkkulaðidrottn­ing, Signý Tryggva­dótt­ir, Tóm­as Jónas­son lög­fræðing­ur og Vikt­or Lorange. 

Frétt af mbl.is

Áslaug Arna sögð hafa bjargað manns­lífi í gær­kvöldi

Áslaug Magnús­dótt­ir.

Ólöf Skafta­dótt­ir var á Kast­rup. mbl.is/​María Matth­ías­dótt­ir

Áslaug Arna Sig­ur­björns­dótt­ir mætti á Kast­rup. mbl.is/​Karítas

Staðnum var lokað fyr­ir rúm­um mánuði vegna van­greiddra skatta fyrr­ver­andi rekstr­araðila líkt og fjallað var um í blá­byrj­un maí­mánaðar. Sá náði ekki samn­ing­um við Skatt­inn og hef­ur því lokið af­skipt­um af Kast­rup.

En nú hef­ur veit­ingastaður­inn fengið leyfi og opnaði í gær­kvöldi. Þar verður sami gamli mat­seðill­inn og sama starfs­fólk og verið hef­ur, en 101 hót­el ásamt starfs­fólki veit­ingastaðar­ins sem fastak­únn­ar þekkja vel taka við rekstri veit­ingastaðar­ins.

Jakob Frí­mann Magnús­son. mbl.is/​Birta Mar­grét

Tengd­ar frétt­ir

Hverj­ir voru hvar

Kol­brún Pálína mætti í Padel-partýið

• Þekkt­ustu rit­höf­und­ar lands­ins mættu eld­hress­ir
• Stjörnufans á for­sýn­ingu IceGuys
• For­seta­hjón­in kíktu á frum­sýn­ingu
• Fjöl­marg­ir fögnuðu með Kar­in

» Fleiri tengd­ar frétt­ir

• Blogga um frétt