Halldóra Fríða Þorvaldsdóttir starfandi bæjarstjóri í Reykjanesbæ er vel akandi. Hún hefur sést upp á síðkastið á silfurlituðum Range Rover Sport jeppa eða útrásarvíkingajeppa eins og slíkir bílar eru kallaðir. Bíll Halldóru er árgerð 2019 og er í eigu hennar og eiginmannsins Friðriks Runólfs Gunnarssonar. Hann kom á göturnar 13. september 2019 en hjónin festu kaup á bílnum 20. júní síðastliðinn. Bíllinn, sem er með einkanúmeri, er vígalegur á velli og eru dekkin á svörtum felgum.
2019 árgerðir af Range Rover Sport kosta á bilinu sjö til tíu milljónir. Það fer svolítið eftir keyrslu og hvernig þeir eru búnir.
Halldóra Fríða er í Framsóknarflokknum og tók við bæjarstjórastöðunni í Reykjanesbæ til að leysa sitjandi bæjarstjóra af, þegar Kjartan Már Kjartansson fór í veikindaleyfi. Það er búið að vera nóg að gera hjá henni en í júní útskrifaðist hún með meistaragráðu í menntavísindum frá Háskóla Íslands.
Smartland óskar Halldóru til hamingju með jeppann!