Leður var í aðalhlutverki þegar franska tískuhúsið Chanel bauð listamönnum til kvöldverðar á Tribeca kvikmyndahátíðinni í New York í vikunni. Mættu þar margar af frægustu kvikmyndastjörnum í heimi en leikkonan Katie Holmes mætti leðurklædd og stal senunni. 

Holmes var ekki bara klædd í leðurjakka heldur buxur líka og var töffari í leðurdragtinni og hælum með rautt veski og blátt naglalakk. 

Föt frá Chanel voru að sjálfsögðu áberandi í boðinu og var Holmes ekki sú eina sem klæddist leðri þótt fáir hafi verið í engu nema leðri eins og hún. Var fyrirsætan Cara Delevingne til að mynda flott í leðurbuxum og fallegum svörtum ullarjakka.