Tískuvikan í New York hófst um helgina. Tískubloggarar, sjónvarpsstjörnur, tónlistarfólk og annað tískuáhugafólk hleypur nú um götur stóra eplisins en fötin sem fólkið á fremsta bekk og gangstéttum borgarinnar klæðist er ekki síður spennandi en það sem sést á tískupallinum. 

Eins og sést á myndum frá tískuvikunni er allt í tísku. Litríkir og þægilegir joggingallar eru greinilega í tísku. Einnig er leðurfatnaður inn og er þá ekki verra ef leðurjakkinn er gamall og notaður. Ef þú kemur ekki öllu dótinu þínu fyrir í eina tösku notaðu þá bara fleiri töskur og veski og ekki skammast þín fyrir það eins og þegar þú þurftir að vera með skólatösku, íþróttatösku og sundtösku sama daginn. 

Hér fyrir neðan má sjá brot af því besta.