Lára G. Sig­urðardótt­ir lækn­ir og eig­andi Húðar­inn­ar er nýj­asti gest­ur­inn í hlaðvarpsþætti Ásdís­ar Rán­ar Gunn­ars­dótt­ur, Krass­andi kon­ur. Lára gaf út hnausþykka bók á dög­un­um, Húðbók­ina, ásamt Sól­veigu Ei­ríks­dótt­ur. Ásdís Rán ræðir við hana um fegr­un­araðgerðir og hvernig er best að hugsa um húðina. 

„Þær meðferðir sem mér lík­ar best við eru laser­inn. Hann er svaka­lega góður, ef þú ferð í góðan laser þá get­ur það snúið við öldrun húðar­inn­ar og tekið nokk­ur ár af ef við erum að leita eft­ir því, og ávaxta­sýr­ur finnst mér al­veg frá­bær­ar líka,“ seg­ir Lára og bæt­ir því við að gen spili auðvitað stórt hlut­verk líka. 

„Að sjálf­sögðu er þetta að hluta til gene­tískt eða erfðatengt hvernig húðin eld­ist. En það er búið að sýna fram á að 80% af öldrun húðar­inn­ar er eitt­hvað sem við get­um haft áhrif á með rétt­um meðferðum. Stærsti áhrifa­vald­ur­inn þar er sól­in. Þú þarft í raun­inni ekki marg­ar mín­út­ur þangað til hún er byrjuð að brjóta niður nauðsyn­leg efni í húðinni sem halda henni heil­brigðri þannig að núm­er 1, 2 og 3 að vernda húðina gegn sól­inni með góðri vörn,“ seg­ir Lára. 

„Ég er nú mik­ill sól­ar­dýrk­andi og hef búið er­lend­is í sól lengi án þess að vera að passa mig of mikið. Þó ég noti yf­ir­leitt 30-50% vörn en það hef­ur virkað fyr­ir mig að fara í einn tíma í laser á vet­urna og þá hef ég losnað strax við sól­ar­skemmd­ir eða bletti ef það er eitt­hvað sjá­an­legt eft­ir sum­arið,“ seg­ir Ásdís Rán. 

„Vissu­lega er hægt að að ráða við þetta ef þú ferð reglu­lega eins og þú ger­ir en ert ekki að safna sól­ar­skemmd­um í lang­an tíma eða ára­tugi þá eru til ýms­ar meðferðir sem geta lagað og örvað end­ur­nýj­un húðar­inn­ar,“ seg­ir Lára. 

Þegar Lára er spurð að því hvort hún sé með eða á móti bótoxi seg­ist hún ekki vera á móti neinu. 

„Ég er nú yf­ir­leitt ekki á móti neinu. Bótox er ein vin­sæl­asta meðferðin og get­ur verið fyr­ir­byggj­andi fyr­ir hrukk­ur og er oft gott til að venja fólk af því að gretta sig sem get­ur búið til „x-hrukk­ur“ með tím­an­um,“ seg­ir Lára.  

„Ég sé að þú ert ekki með bótox, ekki ég held­ur en ég fæ mér ein­mitt án efa alltaf fyr­ir sum­arið þegar ég byrja að gretta mig út af sól­inni. Það eiga til að fest­ast bros­hrukk­ur eft­ir sól­ina þannig ég læt þá setja vel af bótoxi þannig ég nái ekki að píra aug­un á móti sól,“ seg­ir Ásdís. 

Hægt er að horfa á þátt­inn í heild sinni hér fyr­ir neðan: 

Tengd­ar frétt­ir

Ásdís Rán

Draum­ur Ásdís­ar Rán­ar orðinn að veru­leika

• „Þetta er miklu erfiðara en fólk held­ur“
• „Fólk er hætt að nenna að tala illa um mig”
• Þórður og Ásdís Rán ást­fang­in í Búlgaríu um jól­in
• Ásdís Rán fagn­ar 5 mánuðum með draumaprins­in­um

» Fleiri tengd­ar frétt­ir

• Blogga um frétt