Tónlistarkonan Madonna kom fram á Grammy-verðlaunahátíðinni í Los Angeles á sunnudagskvöld. Útlit söngkonunnar vakti mikla athygli en nú þykir hún líta enn skringilegri út en vanalega.

Andlitsfall söngkonunnar er það sem helst vekur athygli en það hefur breyst mikið á síðustu árum. Virðist hún vera með mikið af fylliefnum kinn- og kjálkabeinum. Þar að auki virðist hún hafa farið í andlitslyfingu.

„Hvað kom fyrir andlit Madonnu?“ spurði einn á Twitter þegar verðlaunahátíðinni var sjónvarpað beint. „Ég að reyna að hunsa það að Madonna er komin með nýtt andlit,“ skrifaði annar og birti myndband af Adele mjög svo hissa.

„Var Madonna tilnefnd fyrir „besta nýja andlitið“ á Grammy-verðlaununum í ár?“ spurði sá þriðji og uppskar mikil viðbrögð.

Andlit söngkonunnar hefur breyst mikið í gegnum árin líkt og Smartland hefur fjallað um. Þá hefur útlit hennar stundum vakið óhug og aðdáendur velt fyrir sér hvort í góðu lagi sé með hetjuna sína.

Frétt af mbl.is

„Undarlegt“ útlit Madonnu vekur óhug

Frétt af mbl.is

Hvað lét „hrukkulaus“ Madonna gera?

Madonna á sviðinu á Grammy-verðlaunahátíðinni. AFP/Valerie Macon

Tengdar fréttir

Verðlaunahátíðir 2023

Fékk fyrstu þrjár Emmy-tilnefningarnar á einu bretti

• Ber ekki saman um íslenskan sigur
• Kjóllinn eins og franskar kartöflur?
• Grínaðist með að vera kúltúrbarn
• Eins og rósaterta á dreglinum

» Fleiri tengdar fréttir

• Blogga um frétt