Helstu drottningar skemmtanabransans vestur í Hollywood ollu ekki vonbrigðum á Grammy-verðlaunahátíðinni sem fór fram í Los Angeles í gær. Söngkonan Lizzo stal senunni í appelsínugulum kjól og skykkju, rapparinn Cardi B vakti sömuleiðis athygli í bláum kjól með hettu og breski tónlistarmaðurinn Harry Styles fékk hjörtun til að slá hraðar í pallíettu samfesting. 

Söngkonan Taylor SWift var með bert á milli í samstæðum rúllukragabol og pilsi frá Roberto Cavalli og Lourdes Leon, dóttir Madonnu, sótti innblástur til móður sinnar í rauðum kjól frá Area.