Katrín prinsessa af Wales geislaði eins og sólin á rauða dreglinum þegar bresku kvikmyndaverðlaunin, BAFTA, voru afhent í Lundúnum í gær. Katrín klæddist kjól sem hún hefur klæðst áður, en setti puktinn yfir i-ið með glæsilegum eyrnalokkum. 

Eyrnalokkarnir vöktu athygli en þeir eru frá Zöru og kosta aðeins 18 pund eða rúmlega 3.100 krónur. 

Kjóllinn er frá Alexander McQueen og hefur prinsessan klæðst honum oft áður, þar af þrisvar sinnum á BAFTA-verðlaunahátíðinni í gegnum árin. Í ár ákvað hún að vera með svarta óperuhanska við og svart veski. 

Þá var hún með hárið slétt niður en leyfði eyrnalokkunum að skína.