Leik­kon­an Isa­bella Rossell­ini hef­ur aldrei lagst und­ir hníf­inn og get­ur ekki hugsað sér að láta sprauta fylli­efn­um í and­lit sitt. Rossell­ini er and­lit La Vie Est Belle-ilms­ins frá Lancomé en hún fékk aft­ur starf hjá snyrti­vör­uris­an­um árið 2016 þegar Francoise Lehmann tók við sem for­stjóri. 

Á ní­unda og í upp­hafi tí­unda ára­tug­ar 20. ald­ar­inna var Rossell­ini einnig and­lit Lancomé. Gerði hún samn­ing upp á marg­ar millj­ón­ir banda­ríkja­dala sem gerði hana að tekju­hæstu fyr­ir­sætu heims. 

Draum­ur­inn að eld­ast fal­lega

Stuttu fyr­ir 43 ára af­mæli henn­ar árið 1995 var henni svo sagt upp störf­um. „Þau út­skýrðu fyr­ir mér að aug­lýs­ing­in fjallaði um draum, og að kon­ur dreymdi um að vera ung­ar, ekki gaml­ar,“ sagði Rossell­ini, sem ný­verið varð sjö­tug, í viðtali við Page Six. 

„Það er kannski draum­ur ein­hverra kvenna, en ég held að stærsti draum­ur kvenna sé að eld­ast fal­lega og með reisn,“ sagði Rossell­ini. 

Rúm­lega tveim­ur ára­tug­um seinna fékk hún sím­hring­ingu frá Lancomé þar sem henni var aft­ur boðið að vera and­lit merk­is­ins. „Ég bjóst sann­ar­lega ekki við þessu,“ sagði Rossell­ini. 

„Við eld­umst öll. Það er hluti af nátt­úr­unni. Ég hef aldrei farið í nein­ar lýtaaðgerðir. Ef þú ger­ir það, þá vinn­urðu kannski eina orr­ustu, en þú tap­ar stríðinu,“ sagði Rossell­ini. 

Rossell­ini er and­lit La Vie Est Belle frá Lancomé.

Þver­sögn

Spurð hvort hún hafi not­ast við fylli­efni sagði hún nei.

„Hug­mynda­fræðilega, þá gæti ég aldrei hvílt sátt í mínu eig­in skinni. Ég á líf­ræn­an búg­arð, borða líf­rænt. Síðan sprauta ég mig með bótoxi. Ég veit ekki hvernig þetta tvennt ætti að fara sam­an. Ég veit að það er hægt, því ég á vini sem gera þetta, en það er þver­sögn,“ sagði Rossell­ini sem á bæ á Long Is­land. 

Hún sagðist þó al­veg hafa hugsað um að fara í aðgerð og að það væri háls­inn sem hún væri hvað óör­ugg­ust yfir. „Háls­inn er alltaf eitt­hvað sem kem­ur mér í upp­nám, en ég lifi með því. Ég vil frek­ar lít­inn tref­il en hníf­inn,“ sagði Rossell­ini. 

Rossell­ini árið 1999. FRANK AUG­STEIN

Tengd­ar frétt­ir

Fegr­un­araðgerðir

Laxa­sæði er nýj­asta fegr­un­aræðið í dag

• Sunn­eva og Tanja op­in­bera hvaða lýtaaðgerðir þær hafa farið í
• Mari prófaði bótox og deil­ir ferl­inu
• Búin að fara í 17 brjóstas­tækk­an­ir
• Lýta­lækn­ir í sjokki yfir aldri Love Is­land-þátt­tak­enda

» Fleiri tengd­ar frétt­ir

• 1 blogg um frétt­ina

Bloggað um frétt­ina

• Wil­helm Em­ils­son: Tím­inn