Það var mikil stemning í Óskarsverðlaunaveislu Vanity Fair. Þangað mæta allar helstu stjörnurnar og leyfa sér aðeins djarfari klæðnað en á verðlaununum sjálfum. Euphoria-leikkonan Hunter Schafer vakti sérstaka athygli fyrir óvenjulegan topp. 

Schafer var klædd í pils og fjöður eftir belgíska fatahönnuðinn Ann Demeulemeester. Fötin voru hluti af haust- og vetrarlínu Demeulemeester fyrir árið 2023. Líklega er þó aðeins of kalt að vera klædd svona á Íslandi. Pilsið var afar elegant en efri hlutinn minnti frekar á listaverk. 

Það voru fleiri stjörnur sem ákváðu að skilja skyrtuna eftir heima. Brjóstahaldarar af ýmsum gerðum fengu að njóta sín í veislunni eins og sjá má hér að neðan.