Tónlistarparið Rihanna og A$AP Rocky voru á meðal þeirra glæsilegu gesta sem fögnuðu nýrri fatalínu Louis Vuitton í París á þriðjudag. Parið klæddist fötum úr nýju línunni en minntu óneitanlega á þekkt par frá tíunda áratugnum, enda gallaklædd frá toppi til táar. 

Rihanna vakti eftirtekt í víðum gallasamfestingi og brjóstahaldara, en hún var ber um kviðinn og rammaði þar með inn vaxandi óléttubumbuna. Söngkonan toppaði heildarútlitið með 94 milljón króna mellubandi frá Jacob & Co. 

Söngkonan er dugleg að bera óléttabumbuna. AFP

A$AP Rocky klæddist demantskreyttum Louis Vuitton gallajakka, stuttbuxum og heldur einkennilegri perluskreyttri húfu og sólgleraugum. 

Stjörnuparið minnti marga á fyrrverandi poppstjörnuparið Britney Spears og Justin Timberlake, en þau gerðu allt vitlaust þegar þau mættu gallaklædd á amerísku tónlistarverðlaunin árið 2001. 

Mikill stjörnufans var á tískusýningunni, en fatalínan er hönnuð af fjöllistamanninum Pharrell Williams. Á meðal gesta voru Beyoncé, Jay–Z, Zendaya og Naomi Campbell. 

Pharrell Williams á heiðurinn af nýju fatalínu Louis Vuitton. AFP

Leikkonan Zendaya lét sig ekki vanta. AFP

Fyrirsætan Naomi Campbell var stórglæsileg á gyllta dreglinum í París. AFP

Tengdar fréttir

Tískuvikan í París

Þetta eru nýju ofurkonufötin

• Nicole Kidman ýtti við Sölmu Hayek
• Alexander farðaði fyrir eitt stærsta tískuhús Parísar
• Laufey á fremsta bekk hjá Chanel
• Draumurinn um hvítar sokkabuxur

» Fleiri tengdar fréttir

Fatastíllinn

Laufey sló í gegn í Chanel-samfestingi

• Mætti í Spursmál klædd handprjónaðri lopapeysu
• Björn Skúlason fékk skóstuðning úr óvæntri átt
• Snorri mætti í sérsaumuðum jakkafötum
• Klæðast karlar á miðjum aldri of þröngum buxum?

» Fleiri tengdar fréttir

• Blogga um frétt