10 hlutir sem þykja þeir heitustu í dag
Setja bókamerki
/frimg/1/46/13/1461336.jpg)
Óskalistinn þessa vikuna er ekki af verri gerðinni, en hann prýða allra heitustu vörurnar núna sem ættu að keyra aðeins upp gleðihormónin í skammdeginu.
Á listanum eru tíu vörur, allt frá trylltum leðurjakka og sjarmerandi stígvélum yfir í dásamlegt silki fyrir svefninn, húðina og hárið.
Er ekki alltaf veður fyrir leður?
Leðrið virðist vera það allra heitasta og þá sérstaklega leðurjakkar í hinum ýmsu sniðum. Þessi tryllta leðurkápa er hin fullkomna flík fyrir þá sem vilja bæta smá leðri inn í fataskápinn.
Formfagurt keramik!
Þessir fallegu keramikvasar eru hannaðir af Maritu Lindholm og koma í þremur mismunandi stærðum og litum. Þeir eru minimalískir og ættu því að passa inn í hvaða rými sem er.
Vantar þig hvatningu í ræktina?
Nýr fatnaður getur gefið manni auka hvatningu á æfingu, en nú þegar farið er að kólna þykir mörgum gott að skipta yfir í langerma æfingaboli. Þessi stílhreina peysa frá Nike er tilvalin fyrir kaldari daga.
Dekur fyrir hárið!
Þegar fer að kólna er mikilvægt að huga vel að húðinni og hárinu með góðum raka og alvöru dekri. Í þessum hárpakka frá K18 er allt sem þú þarft til að dekra við hárið og gera það glansandi mjúkt.
Óvænt en velkomin kúrekastemning!
Kúrekastígvél hafa tekið yfir tískuheiminn undanfarnar vikur. Það er eitthvað fáránlega heillandi við þessi stígvél enda hafa þau sinn einstaka sjarma. Stígvélin eru því óvænt en sannarlega velkomin viðbót í fataskápa tískuunnenda um allan heim.
Smáatriði sem heilla!
Það ætti að vera pláss fyrir góðar gallabuxur á öllum óskalistum enda klassísk og tímalaus flík sem virðist aldrei detta úr tísku. Nú orðið eru til ótal gallabuxur í hinum ýmsu sniðum og öllum regnbogans litum, en þeir sem vilja prófa eitthvað nýtt ættu að elska smáatriðin á þessum buxum.
Alvöru lúxus!
Eins og fram hefur komið er sérstaklega mikilvægt að huga vel að húð og hári þegar það fer að kólna. Silki fer vel með húðina og hárið, en það viðheldur réttu rakastigi og dregur úr núningi sem minnkar hárskemmdir.
Borðbúnaður sem gleður augað!
Fallegur borðbúnaður gerir gæfumuninn í matarboðinu, enda eflaust margir sem tengja við það að njóta þess enn frekar að borða góðan mat ef hann er borinn fram á fallegum disk. Þessi diskur er einfaldur en fangar samt sem áður augað.
Hyljarinn sem þú þarft í vetur!
Þessi nýji serum-hyljari frá Lancome hylur dökka bauga um leið og hann gefur svæðinu góðan raka. Hann gefur miðlungs þekju og hinn eftirsóknaverða náttúrulega og heilbrigða ljóma sem okkur dreymir um í kuldanum.
Oft er einfalt bara best!
Það kannast eflaust margir við að eiga það til að flækja hlutina, en oft er einfalt bara best. Þess vegna er gott að eiga einfaldan hvítan hlýrabol sem passar við allt, en þessi bolur er með afar sjarmerandi hálsmáli sem gerir mikið fyrir útlitið.
Konan áfram í haldi í tengslum við morðrannsóknina
Sögð kanna hvort feðginin hafi verið sofandi
Auka vöktun í kringum Ljósufjallakerfið
Ísland leiðir stofnun nýs sérstaks dómstóls
Einstakt að vernda laxveiðiá inni í miðri borg
Telja Jón hafa verið myrtan fyrir mistök
„Ríki og leiðtogar gerðir ábyrgir“
Bráðaaðgerðir í undirbúningi
Spurt og svarað
húðlæknir á Húðlæknastöðinni svarar spurningum lesenda
sálfræðingur á Sálfræðistofunni Sálarlíf svarar spurningum lesenda
einstaklings- og fjölskylduráðgjafi svarar spurningum lesenda
endurskoðandi svarar spurningum lesenda
Klínískur félagsráðgjafi hjá Lausninni
hjúkrunar- og kynfræðingur svarar spurningum lesenda
svarar spurningum um lögfræðileg mál
lýtalæknir svarar spurningum lesenda