Bafta-kvikmyndaverðlaunin voru veitt við hátíðlega athöfn í Lundúnum í gær. Stjörnurnar á hátíðinni klæddust fallegum litum og góðum efnum en voru umfram allt settlegar enda ekki annað í boði í Bretlandi. 

Leikkonan Cate Blanchett vakti verðskuldaða athygli á rauða dreglinum. Blanchett hefur verið dugleg að klæðast eldri flíkum en í þetta skiptið klæddist hún kjól frá Louis Vuitton. Vínrauði kjóllinn var gerður úr afgangsefnum. Perlurnar í óvenjulegu perlufestinni voru endurnýttar úr hálsmeninu sem Blancheett bar á Bafta-verðlaunahátíðinni í fyrra. 

Prinsinn mætti í bláu

Vilhjálmur Bretaprins mætti án eiginkonu sinnar, Katrínar prinsessu af Wales, sem er að jafna sig eftir aðgerð. Vilhjálmur kryddaði upp á hin venjulegu jakkaföt og klæddist dökkbláum jakkafötum úr flaueli og bar fallega slaufu við. Karlmennirnir voru duglegir að klæðast öðruvísi jakkafötum án þess að ganga of langt. 

Hér fyrir neðan má sjá fleiri fallega klæddar stjörnur á rauða dreglinum.