Íslenska íþróttavörumerkið Befit Iceland fagnaði fimm ára verslunarafmæli sínu á dögunum. Í tilefni af því var slegið upp afmælisveislu í húsi verslunarinnar að Mörkinni 1 þann 1. maí síðastliðinn. Befit Iceland deilir verslunarrými með BRÁ verslun en sú fagnaði sjö ára verslunarafmæli sínu.
Löng röð myndaðist fyrir framan verslunina en hún var gjörsamlega stútfull frá opnun og alveg fram að lokun.
Gestum var boðið upp á léttar veitingar frá PERFORM auk þess sem þeir fengu að snúa lukkuhjóli. Allar vörur voru á 20% afslætti og valdar vörur á sérstöku afmælistilboði.
Hrönn Sigurðardóttir heitin stofnaði Befit Iceland árið 2013. Hún lést í fyrrasumar eftir baráttu við nýrnahettukrabbamein.