Eyrún Telma Jónsdóttir og eiginmaður hennar, Rúnar Hroði Geirmundsson, eru líklega flúruðustu hjón landsins, en þau skarta bæði fjölmörgum húðflúrum víðsvegar um líkamann. Á dögunum bætti Eyrún Telma þremur húðflúrum í safnið, en hún birti myndband á TikTok af ferlinu.

„Komið með mér að fá mér tattú í andlitið. Veit ég hvað ég ætla að fá mér? Nei. En það kemur í ljós,“ segir Eyrún Telma í byrjun myndbandsins. 

Því næst birtir hún klippur af sér í húðflúrstólnum en hún fékk sér húðflúr við sitthvort eyrað og lítið fiðrildi á kinnina. 

Stefnir á að flúra allan líkamann

Árið 2016 sagði Eyrún Telma frá því í viðtali á Smartlandi að hún stefndi á svokallað „body suit“ þar sem allur líkaminn er þakinn húðflúrum. Síðan þá hafa þó nokkur flúr bæst við á líkama hennar, en hún segir áhugann á húðflúrum fyrst hafa kviknað þegar hún var á unglingsárum. 

Frétt af mbl.is

„Ég er að gera þetta fyrir sjálfa mig“

Eyrún Telma hefur vakið athygli í fjölmiðlum á undanförnum árum, ekki einungis vegna húðflúranna, heldur einnig fyrir að tala opinskátt um baráttu sína við króníska sjúkdóminn Endómetríósu, eða legslímuflakk.

Nýverið opnaði hún sig um meðgöngu og fæðingu tvíburasona þeirra Rúnars í hlaðvarpsþættinum Undirmannaðar, en þeir komu í heiminn í maí 2019 og við tóku átakanlegir mánuðir.

Frétt af mbl.is

„Eina nóttina opnast gat á brjóstinu á mér“

Tengdar fréttir

Húðflúr

„Ætli þetta sé ekki orðin þriggja stafa tala“

• Frumsýndi heljarinnar „blackout“ húðflúr
• Fékk sér húðflúr til heiðurs eiginkonunni
• „Ég ætlaði mér aldrei að vera húðflúrari að ævistarfi“
• Arnór lét húðflúra liðið á sig eftir sigurleik

» Fleiri tengdar fréttir

• Blogga um frétt