Hápunktur tískuvikunnar var í gær í París þegar Chanel sýndi vor- og sumarlínuna fyrir árið 2025. Eins og algengt er var viðburðurinn stjörnum prýddur en íslenska jazz-söngkonan Laufey Lín Jónsdóttir var á meðal þeirra og sat á fremsta bekk.

Franska tískuhúsið klæddi Laufeyju upp fyrir viðburðinn. Hún klæddist pastelgrænni pilsadragt með gulllituðum smáatriðum sem er úr vor- og sumarlínu Chanel fyrir árið 2024. Hún var einnig með tösku og í skóm frá merkinu. Skartgripirnir voru líka frá Chanel og bar hún eyrnalokka úr átján karata hvítagulli og hring úr átján karata hvítagulli og demöntum.

Aðrir gestir sýningarinnar voru meðal annars Naomi Campbell, Greta Gerwig, Vanessa Paradis, Nupita Nyong'o.