Sýn­ing franska tísku­húss­ins Saint Laurent fyr­ir vorið/​sum­arið 2025 fór fram í Par­ís á dög­un­um. Sýn­ing­ar­inn­ar er ávallt beðið með mik­illi eft­ir­vænt­ingu enda er fremsta röð yf­ir­leitt fyllt stór­stjörn­um og föt­in glæsi­leg. List­rænn stjórn­andi Saint Laurent er Ant­hony Vaccar­ello og hef­ur hann gegnt því starfi frá ár­inu 2016.

Kven­leg snið, stutt­ir kjól­ar, mitt­is­belti og þröng­ir jakk­ar hafa ein­kennt fatnað Vaccar­ello fyr­ir Saint Laurent síðustu ár. Þó að þannig fatnaður hafi vissu­lega verið til staðar í lín­unni þá var annað mun meira áber­andi og er aug­ljóst að hann hafi verið und­ir áhrif­um frá karla­tísku tí­unda ára­tug­ar­ins.

Það mætti segja að Vaccar­ello hafi komið með nýja of­ur­konu­bún­ing­inn; víðar dragt­ir, hvít­ar bóm­ull­ar­skyrt­ur sem hneppt­ar voru upp í háls og bindi. Stór, áber­andi gler­augu og hárið smurt aft­ur. Hann hætti ekki þar held­ur voru stór­ir leður­jakk­ar sett­ir yfir og flug­manna­sólgler­aug­um skellt á nefið. 

Þetta er ork­an sem póli­tík­us­ar ættu að taka með sér inn í kom­andi kosn­inga­törn.