Hann er runn­inn upp. Upp­á­halds­tími fata­sjúk­linga sem geta nú klætt sig í ógn­ar­mörg lög af fatnaði og skellt svo þykkri ull­ar­kápu yfir. Í versl­un­um núna eru til marg­ar teg­und­ir af káp­um í fjölda lita. 

Ull­in er að sjálf­sögðu alltaf hlý en það er líka svo huggu­legt að klæðast þykkri gerviloðskápu. Þó að verðmiðinn sé oft hærri á ull­ar­káp­um þá eru gæðin meiri, þetta er flík­in sem verður hvað mest notuð yfir næstu mánuði og hún end­ist í mörg ár. Það eru bara kost­ir.

Káp­ur í ljós­um og brún­um litatón­um eru vin­sæl­ar núna. Þau sem vilja aðeins stíga út fyr­ir þæg­ind­aramm­ann þá er vín­rauður lit­ur­inn sem er eft­ir­sótt­ur núna. Svart­ar káp­ur eru svo alltaf klass­ík fyr­ir fínni til­efn­in.