Guðni Th. Jó­hann­es­son, fyrr­ver­andi for­seti Íslands, er síðasti en alls ekki sísti gest­ur Hring­ferðar Morg­un­blaðsins, sem lagt var í í til­efni af 110 ára af­mæli blaðsins fyr­ir ári. Morg­un­blaðið fagn­ar 111 ára af­mæli í dag. Morg­un­blaðsmenn sett­ust niður með Guðna á Hót­el Holti við Bergstaðastræti í Reykja­vík.

Það vakti mikla at­hygli þegar Guðni birt­ist með buff á höfðinu í Morg­un­blaðinu. Guðni seg­ir að þetta hafi gerst al­veg óvart. Hann var í tíma­hraki og það var kalt úti.

„Snemma minn­ar for­setatíðar fékk ég það góða boð að vera viðstadd­ur af­hjúp­un sögu­skilt­is úti á Bessastaðanesi. Það kom ekki til álita að láta aka þarna út eft­ir en það get­ur verið hryss­ings­legt úti á Álfta­nesi svo maður þarf að klæða sig vel. Og sem ég er að fara út úr húsi, finn ég ekki mitt venju­lega höfuðfat og róta í hirsl­um krakk­anna.

Þar finn ég þetta for­láta buff og þakka mín­um sæla að það var ekki eitt þess­ara buffa sem merkt voru banka – fölln­um eða ekki – það hefði verið verra. Ég læt buffið á haus­inn og arka frá Bessa­stöðum út á Bessastaðanes að Skans­in­um.

Er þar þá ekki full­trúi Morg­un­blaðsins, Sig­urður Bogi Sæv­ars­son, sem spyr hvort hann megi ekki taka mynd­ir,“ seg­ir Guðni og minn­ist þess að með í för hafi verið Gunn­ar Ein­ars­son, þáver­andi bæj­ar­stjóri í Garðabæ, með miklu fínni rúss­neska loðhúfu, sem Sig­urður Bogi hafi þó varla tekið eft­ir.

Guðni Th. með buffið góða árið 2016. mbl.is/​Sig­urður Bogi Sæv­ars­son

Eft­ir þetta varð hann for­set­inn með buffið. Sem Guðna finnst hálfu merki­legra fyr­ir það að hann er alls eng­inn buff-aðdá­andi þótt þjóðin haldi það.

„Ég nefni þetta sem gott dæmi um það hvernig maður er alltaf í sviðsljós­inu og hvernig ein­hvers kon­ar ímynd mót­ast. Maður þarf bara að sætta sig við að hvar sem maður fer og hvað sem ger­ir maður þá er alltaf tekið eft­ir því.“

Þegar Guðni er spurður að því hvort það hafi ekki verið mikið álag að vera ekki eins og um­renn­ing­ur til fara ját­ar hann því. Hann hafi hins veg­ar ekki vilja breyta um fata­stíl og verða skyndi­lega glerfínn því það sé ekki hans stíll.

„Ég ákvað að vera ég sjálf­ur áfram. Það yrði mér ekki til far­sæld­ar, og því síður þjóðinni, ef ég hefði farið að setja mig í stell­ing­ar sem mér liði ekki vel í.“

Guðni Th. Jó­hann­es­son fyrr­ver­andi for­seti, Marta María Win­kel Jón­as­dótt­ir og Andrés Magnús­son á Hót­el Holti þegar viðtalið var tekið. mbl.is/​Eggert Jó­hann­es­son

Hægt er að hlusta á þátt­inn í heild sinni hér fyr­ir neðan: 

Tengd­ar frétt­ir

Fata­stíll­inn

„Manni bregður al­veg smá“

• Kar­dashi­an-klanið mætt í brúðkaup Bezos
• 43 ára og alls ekki miðaldra
• Móeiður vakti at­hygli í rosa­leg­um kjól
• „Gam­an að fá að vera fín á þess­um dög­um“

» Fleiri tengd­ar frétt­ir

Hring­ferð

„En pabbi var þarna all­an tím­ann“

• Hitt­ir flesta gesti hót­els­ins
• Ices­a­ve-boll­inn bjargaði fán­an­um
• Úr for­stjóra­stóln­um í sögu þorsks­ins
• „Skemmti­leg­asta starf sem ég hef unnið“

» Fleiri tengd­ar frétt­ir

• Blogga um frétt