Jóla­förð­unin í ár er lokkandi

Falleg og náttúruleg húð hefur einkennt helstu tískustraumana í förðun undanfarið. Þá þarf ekki mikið til að fullkomna útlitið heldur aðeins ferskju- eða bleikan kinnalit, létta augnförðun og bjartan lit á varirnar. Augabrúnir eru enn sterkar eins og fyrri ár. Gylltur augnskuggi er alltaf klassískur og einstaklega hátíðlegur. Ef þú vilt ganga lengra í augnförðuninni er flott að nota dökkbrúna augnblýanta með svörtum maskara og ljósbrúnum möttum augnskugga. Rammaðu svo inn varirnar með örlítið dekkri varablýanti en varaliturinn sjálfur.