Óþægindin þurfa ekki að vera til staðar nú yfir hátíðarnar því skórnir sem eru út um allt núna eru flatbotna. Þessu gætu margir fagnað. Ballerínuskórnir hafa verið áberandi síðan í vor og heldur þessi tíska áfram nú fram á næsta sumar. Útgáfan sem verður hvað vinsælust er skreytt glitrandi steinum. 

Þessa skó má nota við hvað sem er. Á tískuvikunni í París voru þeir meðal annars notaðir við víðar gallabuxur, kjóla og síð pils. Ef þeir eru skreyttir steinum verða þeir sérstaklega hátíðlegir og geta vel komið í staðinn fyrir, eða verið notaðir við, pallíettubuxurnar- og kjólinn.