Áber­andi krull­ur, liðir, vel blásið hár eða slétt míníma­lískt tagl eru hár­greiðslur sem eru flott­ar yfir hátíðarn­ar. Slétta hárið hef­ur verið meira áber­andi síðustu ár en krull­urn­ar en nú er komið að vel blásna Hollywood-hár­inu eins og við höf­um séð mikið af á rauða dregl­in­um.

Of­ur­fyr­ir­sæt­an Kendall Jenner hef­ur breytt ótt og títt um hár­greiðslu síðustu mánuði og hef­ur hún bæði litað það og stytt. Ljóst, blásið og liðað hárið er ein­stak­lega hátíðlegt og pass­ar vel við áber­andi jóla­kjóla þegar til­efnið á við. Á tískupöll­um Chanel var hár­greiðslan aðeins stelpu­legri og kjör­in fyr­ir þau sem vilja hafa sig til á stutt­um tíma. Það var aðeins ein flétta til hliðar sem er jafn­vel smá gam­aldags.

Of­ur­fyr­ir­sæt­an Kaia Ger­ber skartaði einnig ein­faldri hár­greiðslu en það var liðað hár sem var síðan tekið aðeins frá and­lit­inu og fest að aft­an. Þá má nota all­ar fínu spenn­urn­ar og klemm­urn­ar sem eru alltaf fyr­ir þér í baðskápn­um.

Ef þú ert meira fyr­ir rokk og ról mæl­um við með því að stela hár­greiðslunni af Ang­el­inu Jolie, sem er áber­andi og ör­lítið tryllt­ar krull­ur. Þannig hári er til­valið að skarta á partí­kvöldi eins og á ára­mót­un­um.