Mar­grét Mist Tinds­dótt­ir, oft­ast kölluð Mæja, tók ný­verið við störf­um hjá Blue Lagoon Skincare. Þar sinn­ir hún markaðsmá­l­um en sam­hliða því rek­ur hún fata­appið Regn með fjöl­skyldu sinni. Það var margt sem stóð upp úr á ár­inu hjá henni og þá aðallega ferðalög­in sem voru nokk­ur.

„Ég fór í æðis­lega ferð á tísku­viku til Kaup­manna­hafn­ar með Húrra Reykja­vík, skíðaferðir með góðum vin­um og byrjaði í nýrri og mjög spenn­andi vinnu hjá Blue Lagoon Skincare,“ seg­ir Mæja. 

„Við fögnuðum Red Dot hönn­un­ar­verðlaun­um með Regn-teym­inu mínu í Berlín, fór í vin­konu­ferð til Suður-Frakk­lands í sum­ar sem stend­ur upp úr. Við vin­kon­urn­ar búum á víð og dreif, í New York, Kaup­manna­höfn og á Íslandi svo við ákváðum að fljúga og hitt­ast í Cann­es. Við höfðum skipu­lagt ferðina vel og fór­um á æðis­lega veit­ingastaði, fal­leg­ar strend­ur ásamt því að taka dags­ferð til Nice og Anti­bes. Þetta var al­veg ógleym­a­leg ferð í alla staði.“

Vin­konu­ferðin til Suður-Frakk­lands stóð upp úr á ár­inu.

Hún fram­lengdi ferðina sína og hitti kær­ast­ann sinn í Nice, þau keyrðu í kjöl­farið til Mónakó og að ít­ölsku landa­mær­un­um. Hún seg­ir það hafa gefið sér orku ein­fald­lega að rifja ferðina upp.

Hvernig leggst nýja árið í þig?

„Mjög vel. Ég hugsa að mark­miðið verði að njóta ein­földu hlut­anna; elda góðan mat, fara í sund og njóta sem mest með vin­um og fjöl­skyldu.“

Gerðir þú ein­hver góð kaup á ár­inu?

„Bestu kaup­in eru „3-piece“ og „second-hand“ dragt sem ég keypti í Kalda og bleik­ur jakki sem ég fann á markaði í Cann­es,“ seg­ir Mæja. 

Þriggja setta dragt sem hún keypti á ár­inu og er al­veg klass­ísk. Ljós­mynd/​In­sta­gram

Bleiki jakk­inn sem hún fann á markaði í Cann­es. Ljós­mynd/​In­sta­gram

„En á fyrsta degi í Cann­es fékk ég sím­tal um að vatns­lögn hefði sprungið í íbúðinni minni. Við þurft­um að kaupa ógrynni af fata­slám og köss­um til að geyma dótið okk­ar sem nú troðfylla geymsl­una. Þessi kaup verða því að flokk­ast sem þau verstu.“

Tengd­ar frétt­ir

Fata­stíll­inn

Móeiður vakti at­hygli í rosa­leg­um kjól

• „Gam­an að fá að vera fín á þess­um dög­um“
• Katrín valdi túrkís­blá­an fyr­ir þær mæðgur
• Kristrún réð stíl­ista í vinnu
• Fékk peysu­föt­in frá eig­in­mann­in­um

» Fleiri tengd­ar frétt­ir

Ára­mót

„Ekk­ert fal­legt fæðist á teikni­borðinu þegar maður hlust­ar ekki á lík­amann“

• „Ég fann ég var ekki nógu nærð, eða þessi hlið af mér“
• Lands­menn þyrst­ir í freyðivín um ára­mót
• Tíu rosa­leg­ir ára­móta­kjól­ar
• Bættu fjár­hag­inn og ástar­lífið með þessu ráði um ára­mót­in

» Fleiri tengd­ar frétt­ir

• Blogga um frétt