Sím­inn stoppaði ekki í gær og póst­hólfið fyllt­ist af spurn­ing­um frá les­end­um. Stóra spurn­ing­in var eitt­hvað á þessa leið: Má Halla Tóm­as­dótt­ir for­seti Íslands vera með stokka­belti við bún­ing­inn sem hún klædd­ist? Og hvaða bún­ing­ur var þetta? 

Stutta svarið er já. Hún mátti það og hún klædd­ist 20. ald­ar peysu­föt­um. 

20. ald­ar peysu­föt sam­an­standa af jakka sem er aðsniðinn með púfferm­um og flau­eli sem var saumað á boðunga og fram­an á erm­ar. Und­ir jakk­an­um er lagt hvítt peysu­brjóst sem er skreytt með blúndu og út­saumi. Jakk­inn er krækt­ur sam­an að fram­an og er slauf­an, slifsið, saumuð á bún­ing­inn. Á bún­ingn­um er ör­lít­il blúnda þrædd fram­an á erm­ar til skrauts. 

Halla fylgdi regl­um sem gilda um þjóðbún­inga þegar hún setti stokka­belti utan um sig við 20. ald­ar peysu­föt.

Pils og jakki eru oft­ast úr sama efni en svunta er yf­ir­leitt úr silki og er hún höfð yfir pils­inu. Peysu­föt­in sem Halla klædd­ist eru úr glans­andi efni og má efnið vera glans­andi þótt flest­ir kjósi mött þunn ullar­efni í dag. Þar að segja þær sem sauma sér slíka bún­inga í dag. 

Við 20. ald­ar peysu­föt­in var Halla með húfu sem er grunn og úr flau­eli. Húf­an er með með skúf­hólk. 

Halla var með silf­ur­nælu í slifs­inu og með stokka­belti um sig miðja. Það má nota stokka­belti við bún­ing­inn og þær sem eiga slíkt belti nota það gjarn­an. Það er þó ekki hægt að segja að það til­heyri beint bún­ingn­um þótt það megi nota það með. 

Ligg­ur þér eitt­hvað á hjarta? Þú get­ur sent spurn­ingu HÉR. 

Tengd­ar frétt­ir

Fata­stíll­inn

Katrín sló í gegn með eyrna­lokka Díönu prins­essu

• „Ég er alltaf að setja mig í yf­ir­hafna­bann“
• Steldu stíln­um af Þor­gerði Katrínu
• Andrea og Arn­ór fengu boð í höll­ina
• Halla treyst­ir á pallí­ett­urn­ar enn og aft­ur

» Fleiri tengd­ar frétt­ir

Marta María

Sauma­nám­skeið sem fór úr bönd­un­um

• Samn­ingaviðræðnalest án Ástráðs Har­alds­son­ar
• Hvað varstu að gera þegar þú varst 10 ára?
• Sparaði sex millj­ón­ir með inn­rétt­ing­um
• Fæði, klæði og hús­næði Ingu Sæ­land

» Fleiri tengd­ar frétt­ir

• Blogga um frétt