Eftir hátíðarnar eru flestir komnir með nóg af pallíettum, flaueli og öðru glimmeri og farnir að klæða sig í stílhreinni föt á nýju ári. Það er þó ekki alveg tímabært að setja skreyttu fötin í geymslu því þau nýtast vel á þorrablótunum sem fram undan eru.

Ef slíkt dress vantar er sniðugt að nýta útsölurnar en búðirnar keppast um að koma vetrarfötunum út því varla er hægt að bíða með þau inni á lager til næstu jóla. Ef ekkert spennandi leynist á útsölunum eru líka komin ný föt í búðir sem hægt er að halda áfram að nota.

Kjólar eru oft þægilegur kostur og litir eins og svartur, blár og vínrauður henta vel í þetta tilefni. Ef sá kostur heillar ekki er er einnig flott að para saman pallíettu- eða silkitopp við þröngt pils eða útvíðar buxur. 

Hér eru nokkrar hugmyndir að fatnaði sem er fullkominn fyrir þorrablótið. Það er alltaf gott að hafa klæðnaðinn þægilegan - sérstaklega ef það á að spreyta sig á dansgólfinu.